| Ekstensi berkas | .mp3[1] |
|---|---|
| Jinih MIME | audio/mpeg,[2] audio/MPA,[3] audio/mpa-robust[4] |
| Rilis partamo | 1993 [5] |
| Jenih format | Audio compression format, audio file format |
| Standar | ISO/IEC 11172-3,[5] ISO/IEC 13818-3[6] |
MPEG-1 Audio Layer 3 atau lobiah dikana sabagai MP3 adolah ciek dari format dokumen elektronik pangkodean suaro nan punyo kompresi nan baiak (maskipun basifat lossy) sahinggo ukuran berkas dapek mamungkinkan manjadi lobiah ketek. MP3 mamakai pangodean Pulse Code Modulation (PCM). MP3 mangurangi jumlah bit nan diparolukan dangan manggunokan model psychoacoustic untuak manghilangkan komponen-komponen suaro nan indak tadanga dek manusia.
MP3 mamakai sabuah transformasi hybrid untuak mantransformasikan sinyal pado ranah wakatu ka sinyal pado ranah frekuensi:
- Filter polyphase quadrature 32-band
- 36 atau 12 MDCT (modified discrete cosine transform), dangan ukuran dapek dipiliah sacaro independen untuak sub-band 0…1 dan 2…31
- Postproses aliasing reduction
Standar MPEG-1 indak manspesifikasikan sacaro spesifik caro malakukan encode MP3. Sabaliknyo, algoritme decode saroto format file didefinisikan sacaro spesifik. Nan mangimplementasikan encoder MP3 haruih mambuek sandiri algorima untuak manghilangkan bagian dari informasi pado file audio asa (atau pado representasi MDCT pado ranah frekuensi).
Karena tu, mako caro encode tiok encoder MP3 balainan dan manghasilkan kualitas hasil nan balainan juo. Hal nan haruih manjadi parhatian adolah dari samua encoder nan ado, tadapek encoder nan elok untuak bitrate tinggi maupun encoder nan elok untuak bitrate randah.
MP3 punyo babarapo batasan/limit:
- Bit rate tabateh, maksimum 320 kbit/s (babarapo encoder dapek manghasilkan bit rate nan lobiah tinggi, tapi sangek saketek dukuangan untuak mp3-mp3 tasabuik nan punyo bit rate tinggi)
- Resolusi wakatu nan digunakan mp3 dapek manjadi talalu randah untuak sinyal-sinyal suaro nan sangat transient, sahinggo dapek manyobabkan noise.
- Resolusi frekuensi tabateh dek ukuran window nan saketek panjang, mangurangi efisiensi coding
- Indak ado scale factor band untuak frekuensi di ateh 15,5 atau 15,8 kHz
- Mode jointstereo dilakukan pado basis par frame
- Delay ka encoder/decoder indak didefinisikan, sahinggo indak ado dorongan untuak gapless playback (pamutaran audio tanpa gap). Tapi, babarapo encoder ajak LAME dapek manambahkan metadata tambahan nan mambari informasi kapado MP3 player.
