1455: De Prozess gegen Jeanne d’Arc warrt mehr as 24 Johr nadem se vrebrennt worrn is in de Kathedral Notre-Dame wedder oprullt.
1659: Twüschen Frankriek un Spanien warrt de Pyrenäenfreeden slaten, de den Striet na den Dörtigjohrigen Krieg beendt un de Grenz an den Pyrenäen-Hoogkamm fastmaakt.
1848: In de eersten Präsidentenwahl in de USA, de in all Bunnsstaaten to glieken Tiet afhollen warrt, warrt Zachary Taylor to’n US-Präsident wählt.
1914: In’n Eersten Weltkrieg kapituleert Alfred Meyer-Waldeck in’n Naam vun de düütsch Kolonie Kiautschu un övergifft de Fasten an Japan.
1917: (25. Oktober na den russ’schen Klenner) Mit en Signaalschööt vun den Krüzer Aurora fangt in Petrograd de Oktoberrevolutschoon an.
1918: In München grünnt Revolutschoonären üm Kurt Eisner de Münchner Röötrepubliek un beendt dormit dat Königriek Bayern
1938: De 17-johrige Juud Herschel Grynszpan schütt op den düütschen Diplomaat Ernst vom Rath, wat de Nazis as Vörwand nehmt för de so nöömte Rieksprogromnacht.
1963: Twee Weken na dat Bargbounglück in dat neddersass’sche Lengede warrt ölven Barglüüd levend borgen. Dat geiht as „Wunner vun Lengede“ in de HIstorie in.
1902: In Kassel nimmt de Herkulesbahn den Göderverkiehr op.
1940: Dör Eegenswingen stört de Tacoma-Narrows-Brüch in’n US-Bunnsstaat Washington veer Maanden na ehrn Bo tohopen. Sietdem mööt ok Brüchen in’n Windkanal test warrn.
1996: De NASA schickt de RuumsondMars Global Surveyor to’n Utforschen vun’n Mars ut den Orbit los.
Katastrophen
1996: In Lagos, Nigeria stört en Boeing 727 af. All 143 Minschen in den Fleeger kommt dorbi üm.