Arnold Spuler (* 1. Juni 1869 in Durmersheim in Baden; † 15. März 1937 in Aidenried an' Ammersee) weer en düütsch Dokter, Entomoloog, Lepidopteroloog, Universitätsperfesser un Politiker (DNVP).
Nah den Besöök vun dat Gymnasium in Karlsruhe hörr Spuler van 1887 bit 1888 dat 2. badische Feldartillerie-Regiment Nr. 30 an. Ansluutend studeer he Natuurwetenschapen un Medizin in Freiburg in' Breisgau un Berlin. 1891 hett he sien Doktertitel (Dr. phil.) maakt 1893 kreeg he de ärztliche Approbatschoon.
In' Harvst 1893 wurr Spuler eerst Assistent an dat anatomische Institut vun de Universität Erlangen. 1895 hett he dor sien Dr. med. maakt un een Johr later, 1896, habiliteer he to'n Privatdozenten. 1903 wurr Spuler to'n außerordentlichen Universitätsperfesser beropen.
Van 1914 bit 1918 nehm Spuler as Oberstabsarzt an' Eersten Weltkrieg deel. Nah den Krieg wurr he Liddmaat vun de DNVP. 1920 wurr he to'n ordentlichen Universitätsperfesser vun de Histologie un Entwicklungsgeschichte an de Universität Erlangen beropen. Van 1920 bit 1924 seet he för sien Partei as Afordneter in' Bayerischen Landdag un denn van Dezember 1924 bit Mai 1928 in' darten Rieksdag vun de Weimarer Republiek, in de he den Wahlkreis 24 (Oberbayern-Schwaben) vertreeden dee. Spuler weer van 1920 bit 1924 Liddmaat vun den Eisner-Utschuss.
Spuler hett anatomische, entwicklungsgeschichtliche, biologische un zoologische Afhanneln as ok Böker över Bottervagels verfaat. Dat mehrbannig Wark Die Schmetterlinge Europas (Titel Band 4: Die Raupen der Schmetterlinge Europas) ut dat Johr 1908 gull över Johrteinten as Standardwark vun de Lepidopterologie.