Gary Alan Sinise (* 17. März 1955 in Blue Island, Illinois) is en US-amerikaanschen Schauspeler, Speelbaas un Musiker.
Gary Sinise is de Söhn vun Mylles S. (* 1932, borene Alsip) un Robert S. Sinise (* 1931). Sien Vadder weer Filmeditor[1][2] un hett so to’n Bispeel ok an Gary Sinise sien Of Mice and Men mitarbeit. Sien Grootvadder weer Italiener [3]. In sien Jöögd güng he op de Highland Park High School.
Vör sien Loopbahn bi’t Kino arbeit Sinise vör allen an’t Theater. Tosamen mit Terry Kinney un Jeff Perry hett he 1974 Steppenwolf Theatre Company in Chicago grünnt. Dor hett he ok tallrieke Rullen speelt, un ok as Produzent un Speelbaas arbeit. Na sien Arbeiten as Speelbaas an de Filmen Miles from Home un Of Mice and Men hett he sik in Hollywood ok as Schauspeler en Naam maakt, as in Apollo 13, The Green Mile oder Forrest Gump. In’t Feernsehn weer he in de Reeg CSI:NY to sehn.
Siet 2003 speelt Sinise bito de Bass-Gitarr in de Grupp Lieutenant Dan Band, de he grünnt hett. De Naam is afleddt vun Sinise sien Rull in Forrest Gump. De Grupp is in’n karitativen Sinn (tomeist to’n Ünnerstütten vun versehrte US-amerikaansche Veteranen) ünnerwegens, dorünner ok för de United Service Organizations oder de vun Sinise grünnte Akschoon Operation Iraqi Children, de Scholen in’n Irak mit Schoolsaken versorgt.
In’t Johr 1976 hett Sinise de Schauspelersche Moira Harris drapen, de he 1981 heiraat hett. Se hebbt tosamen dree Kinner.
Johr | Titel | Synchroonsnacker |
---|---|---|
1984 | Family Secrets, Feernsehn | |
1992 | A Midnight Clear dt.: Spezialeinheit IQ |
Stephan Schwartz |
1992 | Of Mice and Men dt.: Von Mäusen und Menschen |
Tobias Meister |
1993 | Jack the Bear dt.: Jack der Bär |
Tobias Meister |
1994 | The Stand dt.: Stephen Kings ‚The Stand‘ – Das letzte Gefecht |
Tobias Meister |
1994 | Forrest Gump | Tobias Meister |
1995 | Apollo 13 | Tobias Meister |
1995 | Truman, Feernsehn | Wolfgang Müller |
1996 | Albino Alligator | Gudo Hoegel |
1996 | Ransom dt.: Kopfgeld |
Tobias Meister |
1997 | George Wallace, Feernsehn dt.: Wallace |
Tobias Meister |
1998 | Snake Eyes dt.: Spiel auf Zeit |
Tobias Meister |
1999 | The Green Mile | Tobias Meister |
2000 | Mission to Mars | Tobias Meister |
2000 | Bruno | |
2001 | Impostor dt.: Impostor – Der Replikant |
Tobias Meister |
2002 | A Gentleman’s Game | |
2003 | The Human Stain dt.: Der menschliche Makel |
Tobias Meister |
2004 | The Forgotten dt.: Die Vergessenen |
Tobias Meister |
2006 | Open Season, Stimm dt.: Jagdfieber |
Oliver Stritzel |
2004-13 | CSI: NY, Feernsehreeg | Tobias Meister |
2015 | Beyond Glory | |
2016-17 | Criminal Minds: Beyond Borders, Feernsehreeg | Tobias Meister |
Sinise weer för sien Filmwark bit hüüt (Stand: September 2014) dörtig mol för Filmpriesen vörslahn, dorünner ok eenmol för den Oscar in de Kategorie Best Nevendorsteller för Forrest Gump. Wunnen hett He bit hüüt 17 Priesen, as to’n Bispeel: