Gerrit Herlyn (* 20. Juli 1909 in Lüttje Milm; † 4. Oktober 1992 in Leer) weer en plattdüütschen Schriever.
Herlyn sien Vörfohren weern vun sien Vaders Siet Hugenotten, de as calvinistisch präägt Protestanten hör fläämsch Heimat upgeven mussen, un vun sien Moders Siet Soltborger Emigranten, de 1731 ut religiöös Grünnen ok hör Heimat verlaaten harrn.
He besoch de Volksschool in Jemgum, Kreis Leer un gung denn up en Privatscholen. Later besoch he de Kloosterscholen Ilfeld in'n Horz. He studeer Theologie in Bethel, Erlangen, Zürich, Tübingen, Kampen un Bonn. 1934 hett he sien eerst Theoloogsch Examen afleggt in Auerk un weer denn up dat Predigerseminar in Elberfeld, Debrecen (Ungarn) un in Twixlum. 1936 hett he sien tweet Examen maakt. Achterna is he Hölpsprediger in Wien wurrn. Dor wurr he ok 1937 ordineert to'n Pastoor. Vun Januar 1938 af an weer he togange as Pastoor an de reformeerte Gemeende Westoverledingen-Ihrenerfeld. Nadem he sien Wehrdeenst achter sik harrt hett un ok in Russland as Kriegsgefangenen weer, maakde he wieder mit sien Pastorendeenst in Ihrenerfeld. 1952 gung he na Leer, bit he 1976 ut den Deenst geiht. He starvt an'n 4. Oktober 1992 in Leer. He hett allerhand plattdüütsche Warke in Oostfreesch Platt schreven un ok dat Nee Testament in siene Mudderspraken oversett.