Gustav Friedrich Meyer (* 28. Februar 1878 in Pönitz; † 29. Juli 1945 in Niestadt) weer en düütschen Volkskundler.
Meyer weer Schoolmeester an de Middelschool in Kiel un Mitarbeider vun dat Sleswig-Holsteensche Wöörbook vun Otto Mensing. Al vör’n Eersten Weltkrieg hett he mit volkskundliche Sammelarbeit in’n Däänschen Woold un in’t Lauenborgsche anfungen. Nadem he ut de Kriegsfangenschop trüch weer, hett he wedder volkskundliche Sammelreisen dör dat ganze Sleswig-Holsteen maakt un Määrken, Sagen, Berichten ut’n Volksglöven, Schwänk, Radels, Leder un Berichten över Brüük sammelt. Sien Archiv liggt hüüd in de Sleswig-Holsteensche Landsbibliothek in Kiel.