Gogarten hett an de Kunstakademie Düsseldörp studeert. Vun 1867 bit 1869 weer he Schöler vun de Landschapsklass vun Oswald Achenbach.[1] Mit de sien Ünnerstütten wark he van 1874 bit 1877 in Paris. Dornah kehr he nah Düütschland torüch un leev van 1878 bit 1889 in Hamborg. In’n Sömmer 1889 leet sück Gogarten in München daal, wo he sück 1891 de Künstlerkolonie Dachau ansluten dee. Neben Utstellungen in de Kunstakademie kunn Gogarten ok in den Münchner Glaspalast utstellen. 1902 siedel he nah Karlsfeld bi Dachau um. Siet 1880 harr he ok an de Berliner Akademieutstellung un 1899 bit 1901 de Groot Berliner Kunstutstellung Biller utstellt.[2]
Warken
Gogarten, de sien Biller ok mit Henri Gogarten signeeren dee, hett an’n meesten un leevsten Winterlandschapen malt. Sien Motive funn he to’n Bispeel in de Heid aber ok in de Böverbayrische Gebirgswelt, dat Dachauer Moor un den Chiemgau. Sein Biller befinnen sück in Privatbesitt as ok in de Lübecker Gemäldesammlung, de Sammlung van den Prinzen Leopold von Bayern oder de Dachauer Galerie.[2]
Hünengrab in der Lüneburger Heide, Ööl, signiert, undateert (in‘n Privatbesitt)
Westfälische Landschaft
Blick auf Dorf am Meer, Ööl up Holz 60 × 75 cm, signeert un dateert 1886 (in‘n Privatbesitt)
Heinrich Gogarten. In: Ulrich Thieme, Fred. C. Willis (Hrsg.): Allgemeines Lexikon der Bildenden Künstler von der Antike bis zur Gegenwart. Begründet von Ulrich Thieme und Felix Becker. Band 14: Giddens–Gress. E. A. Seemann, Leipzig 1921, S. 330 (Textarchiv – Internet Archive
↑Rudolf Theilmann: Die Schülerlisten der Landschafterklassen von Schirmer bis Dücker. In: Wend von Kalnein: Die Düsseldorfer Malerschule. Verlag Philipp von Zabern, Mainz 1979, ISBN 3-8053-0409-9, S. 146