Hendrik Entjes (* 17. September 1919 in Rhene; † 8. Mai 2006 in Ni’jlusen) weer Dialektoloog un Perfesser för Nedersaksisch an de Rieksuniversität Grunning.
As Kind keem he na Vroomshoop, wo he opwussen is. He hett Lexen in Nedderlandsch in Almelo, Amersfoort un Zwolle geven. Van 1960 bet 1964 weer he Lekter för nedderlandsche Spraak un Literatur an de Westfäälsche Wilhelms-Universität in Mönster. Denn weer he wetenschapliche Kraft op ’t Nedersaksisch Instituut van de Rieksuniversität Grunning ünner Klaas Heeroma. Teihn Johr later weer Entjes sülvst Perfesser för Nedersaksisch un Baas vun dat Nedersaksisch Instituut, van 1972 bet 1982.
Entjes sett sik in för glieke Achtung för’t Nedersaksisch. Besünners hett he sik mit’t Veen utenannersett, de Geschicht un de Spraak. 1996 hett he för sien Gesamtwark den Johanna-van-Buren-Pries kregen.