Lars-Luis Linek (* 13. November 1955 in Hamborg) is en Komponist un plattdüütschen Muskant.
He hett över 3.000 Leeder schreven. Sien Musik is to hören bi Werbung, Dokumentationen un Filmen. He is ’n Spezialist för Snutenhobel un nimmt den gröttsten Deel vun de düütschen Mundharmonikamusiken op. Lars is ofteens Gast bi TV- un Radiosendungen. Butendem hett he dat Titelleed vun de plattdüütsche Radiosendung „Dat Plappermoehlen-Leed“ komponeert. As Snutenhobel-Speeler hett he op över 3.500 Musik-Produktionen speelt, för James Last, Schürzenjäger, Stephan Gwildis, Al di Meola, Howard Carpendale, Al Bano, Abi Wallenstein, Roger Cicero, Roger Whittaker, Hardy Krüger un veele anner mehr. Sien Musiken kann een hören in Sendungen as Großstadtrevier, Sesamstraße, Sendung mit der Maus, Die Männer vom K3, Sex and the City, un ook op Werbespots.
Lars sien groot Passion is de plattdüütsche Spraak un de Bluesmusik. In sien Leedern un Konzerten warrt düsse twee Passionen fein tohoop mengeleert, wo de Lüüd sik orrnlich amüseern, mitmoken un mitsingen köönt.