Paula Sedana Schiff-Magnussen, ok Paula Schiff-Elsfleth (* 2. September 1871 in Elsfleth; † April 1962 in Mülheim an der Ruhr) weer en düütsch expressionistisch Malerin.

Leven

Hör Kindheit hett de jöödsch Reedersdochter in Elsfleth verbrocht. För hör künstlerisch Utbillen gung se tonächst nah Worpsweed, ansluutend nah Düsseldörp. Hier nehm se bi Willy Spatz Malünnerricht. Ansluutend is se eerst nah Berlin un later nah Paris umsiedelt. In Worpsweed hett se Landschapen un Buerstuuven malt un hett dor ok Paula Modersohn-Becker kennen lehrt. Hör Wark umfaat mehrere hunnert Öölgemälde un Aquarelle mit Motiven vun Buernfruunporträts, Buernstuuven, Nettflickerinnen, aber ok Backsteenkarken un Barglandschapen 1962 is se in Mülheim storven.

Hör Arbeiten hett se mit Paula Schiff Elsfleth signeert.^[1]

Warken in Museen

• Stadtmuseum Mülheim
• Kunstsammlung in Obervorschütz

Kiek ok

• List vun Maler vun de Düsseldörper Malerschool

Literatur

• Allgemeines Künstlerlexikon - Internationale Künstlerdatenbank - Online DE GRUYTER SAUR^[2]
• Heike Carstensen: Gemälde von Paula Sedana Schiff-Magnussen im Palais Rastede. In: kulturland oldenburg – Zeitschrift der Oldenburgischen Landschaft, Nr. 145, Utgaav 3/2010, S. 30–33, ISSN 1862-9652 (PDF-Datei, 1,8 MB)
• B.Küster (Ed): Lexikon der Düsseldorfer Malerschule, III, M. 1998
• 1905 - 100 Jahre "Nordwestdeutsche Kunstausstellung" Katalog, Ollnborg 2005

Enkeld Nahwiesen

1. ↑ Friederike Kloth: Bilder zurück in der Heimat, Nordwest-Zeitung, 29. September 2010.
2. ↑ DE GRUYTER SAUR:Paula Sedana Elsfleth