Ralph Schwingel (* 1955 in Neunkirchen/Saar) is en düütschen Filmproduzent un Mitbesitter vun de Wüste Film GmbH.
Na’n Afsluss vun sien Psychologiestudium hett Schwingel 1984 sien eersten Dokumentarfilm as Schriever un Speelbaas maakt. Siet 1987 arbeit he as Produzent mit den Swoorpunkt op Dramaturgie.
In’t Johr 1993 hett Schwingel den dormols 20 Johr ollen Fatih Akın opdeckt, mit den he gliek achter’nanner twee Kortfilmen dreiht hett. 1998 hett he mit em den uttekenten Film Kurz und schmerzlos maakt.Ok Gegen die Wand vun 2003 is en gemeensome Produkschoon wesen.
Siet 2006 is Schwingel an de Hoochschool för Film un Feernsehn Potsdam Professer as Vertreder in’t Fack „Kreativ Produzeeren“ in Babelsberg.[1]
Johr | Titel |
---|---|
1995 | Sensin Du bist es!, Kortfilm |
1997 | Back in Trouble |
1998 | Kurz und schmerzlos |
2000 | Im Juli. |
2001 | Ein göttlicher Job |
2002 | Solino |
2004 | Gegen die Wand |
2006 | Emmas Glück |
2007 | Die Anruferin |
2007 | Underdogs |
2009 | 12 Meter ohne Kopf |
2009 | Die Tür |
2009 | Tannöd |
2010 | Renn, wenn Du kannst |
2011 | Arschkalt |
2012 | Töte mich |