Scott Brash, MBE^[1] (* 23. November 1985^[2] in Peebles, Schottland) is en britisch Springrieder.

Sien Vader weer Jockey un so keem he all mit söben Johr to Peer un hett mit negen Johr sien eerst Turnier reeden.

2010 is he bi de Weltriederspelen in dat US-amerikaansch Lexington antreden un keem in't Eenzel up Rang 37. Bi de Olympisch Spelen 2012 in London wunn he mit de britisch Equipe de Goldmedaille, in't Eenzel keem he up den 5. Platz. In de Johren 2013 un 2014 wunn he jewiels de Gesamtwertung vun de Global Champions Tour. Mit den Siegen in de Groot Priesen vun Genf 2014 un Aken 2015 gelung dat Scott Brash as eerst Rieder, en Bonus vun 500.000 Euro in' Rahmen vun den Grand Slam vun de Springrieder to winnen.

Van Dezember 2013 (as he Ben Maher aflööst harr) bit März 2015 un weer siet Mai 2015 hett Brash de Führung in de Springrieder-Weltranglist inne.^[3]

Peer (Uttoog)

• Hello Sanctos (*2002, gung tovör ünner de Naam Sanctos van het Gravenhof in' Sport), bruun Belgischer Sportpeerd-Wallach, Vader: Quasimodo van de Molendreef, Modervader: Nabab de Reve; tovör vun Peter Wylde, Katharina Offel, Koen Vereecke, Alexander Kumps un Willem Greve reeden^[4]
• Ursula XII (* 2001), bruun Schottsch Sportpeer-Stute, Vader: Ahorn; Modervader: Papageno^[5]
• Hello Intertoy Z (* 1999), bruun Zangersheider Wallach, Vader: Interadel, Modervader: Centauer; toletzt in' April 2014 in' internatschonalen Sport insett^[6]
• Hello Whiskey Mac IV (* 2003), bruun Schottsch Sportpeer-Wallach, Vader: Emilion, Modervader: Burggraff; af November 2013 vun Louise Saywell reeden^[7]

Wat he schafft hett

Championate un Weltcup

• Olympisch Spelen
  • 2012, London: mit Hello Sanctos 1. Platz mit de Mannschap un 5. Platz in' Eenzel
• Weltriederspelen
  • 2010, Lexington KY: mit Intertoy Z 9. Platz mit de Mannschap un 37. Platz in' Eenzel
• Europameesterschapen:
  • 2013 in Herning: mit Hello Sanctos 1. Platz in de Mannschap un Platz 3 in' Eenzel

Weblenken

Scott Brash. Mehr Biller, Videos oder Audiodateien to’t Thema gifft dat bi Wikimedia Commons.

• Scott Brash in de Datenbank vun Sports Reference.com (engelsch)
• Internetseite von Scott Brash (engelsch)

Enkeld Nahwiesen

1. ↑ http://www.cabinetoffice.gov.uk/sites/default/files/resources/NY2013-honours-London-2012.pdf%7Ctitle= 2013 New Year's Honours, afropen an' 29. Dezember 2012))
2. ↑ FEI person detail: Scott Brash
3. ↑ aktuelle un vörherige Weltranglisten Springrieden
4. ↑ FEI-Peerdatenbank: Hello Sanctos
5. ↑ FEI-Peerdatenbank: Ursula XII
6. ↑ FEI-Peerdatenbank: Hello Intertoy Z
7. ↑ FEI-Peerdatenbank: Hello Whiskey Mac IV