Wapen/Flagg | Koort | |
---|---|---|
| ||
Basisdaten | ||
Inwahners: | ||
Postleettall: | 27476 | |
Vörwahl: | 04721 | |
Geograafsche Laag: | Koordinaten:53° 51′ N, 8° 38′ O53° 51′ N, 8° 38′ O | |
Spangen is en Oort in de Gemeen Cuxhoben in’n Landkreis Cuxhoben, Neddersassen. De Oort billt binnen Cuxhoben tohoop mit Holt de Oortschop Holt-Spangen.
Spangen liggt op de Geest (Noordoostrand von de Cuxhobener Küstenheid) glieks an de Kant na de Masch, de in’n Oosten liggt. De Grenz na Holt billt de Spanger Beek. Na Westen to liggt de Wernerwald.
De Naveröörd sünd Sahlenborg in’n Noorden, Westerwisch in’n Noordoosten, Süderwisch in’n Oosten, Holt in’n Süden, Berensch in’n Süüdwesten un Arensch in’n Westen.
Spangen kummt 1577 toeerst in de Oorkunnen vör, in en Inkamensregister von Heinrich Stange.
Spangen hett sik 1873 mit Holt to een Gemeen tohoopdaan un de Gemeen Holt-Spangen billt.
Spangen hett noch bet to’n Groot-Hamborg-Gesett (1. April 1937) to Hamborg tohöört. Denn is dat Deel von’n Kreis Land Hadeln worrn. An’n 1. Juli 1972 is Spangen denn Deel von de Gemeen Cuxhoben worrn. Vondaag billt Holt-Spangen binnen de Gemeen Cuxhoben en Oortschop mit en egen Oortsvörstand.
Johr | Inwahners |
---|---|
[1] | 184741 |
[2] | 3. Dezember 186681 |
[3] | 1. Dezember 187168 |
Spangen is evangeelsch-luthersch präägt un höört to dat Kaspel Olenwoold.
Spangen liggt an de Kreisstraat 3, de von Süüdoosten von Olenwoold un Holt her kummt un in’n Noorden na Sahlenborg löppt. Von de K 3 geiht de K 7 na Berensch in’n Süüdwesten af un de K 8 na Süderwisch in’n Oosten.
De nächste Bahnhoff is in Cuxhoben an de Bahnlien Bremen-Cuxhoben un de Nedderelvbahn na Hamborg, wat so bi söss Kilometer weg is.