ARIA Charts er den viktigaste albumlista for platesal i Australia, annonsert kvar veke av Australian Recording Industry Association. Lista består av dei bestseljande singlane og albuma innan forskjellige sjangrar i Australia. ARIA vart den offisielle australske musikklista i juni 1988, og tok over etter Kent Music Report, som hadde vore den nasjonale albumlista i Australia sidan 1974.
Ein singel eller eit album er kvalifisert for platinaplate når det er seld meir enn 70 000 eksemplar, og gullplate for meir enn 35 000 eksemplar. For musikk-DVDar (tidlegare videoar) er gullsertifisering representert ved 7 500 eksemplar, og platina for meir enn 15 000.