Skogsalat | |
![]() Skogsalat | |
Systematikk | |
Rike: | Planteriket Plantae |
Orden: | Korgplanteordenen Asterales |
Familie: | Korgplantefamilien Asteraceae |
Underfamilie: | Cichorioideae |
Stamme: | Cichorieae |
Understamme: | Hieraciinae |
Slekt: | Mycelis |
Art: | Skogsalat M. muralis |
Vitskapleg namn | |
Mycelis muralis Dumort.
|
Skogsalat er ein fleirårig art i korgplantefamilien. Arten har vore rekna til salatslekta, men er no gjerne overført til Mycelis. Han er utbreidd i Europa og Asia.
Planta er kring 60 cm høg med fylt stengel, tynne, ofte litt raudfarga blad med øyre og stor trekanta endelapp. Ho har brei blomsterstand. Frukta har ei rekkje lange og ei rekkje korte fnokkhår. Skogsalat blømer kring juli månad i ur, ber og steinete stader i skogen. Han finst i det sørlege Noreg nord til Rana, og er vanlegast på Vestlandet og i Agder.