campidanesu · logudoresu · nugoresu
Anna Oppo | |
---|---|
Connotu(a) pro | Stùdios sotziològicos, contributos a sa linguìstica sarda |
Nàschida | 1937 Aristanis |
Morte | 2018 Aristanis |
Natzionalidade | sarda |
Tzitadinàntzia | Italiana |
Alma mater | Universidade de Casteddu, Universidade de Bologna, Universidade de Berkeley |
Traballu | Sotziòloga, Professora |
Positzione de traballu | Chircadora, Mastra |
Istitutziones de traballu | Istituto Carlo Cattaneo, Universidade de Bologna, Universidade de Casteddu |
Anna Oppo (Aristanis, 1937 - 2018) fiat una sotziòloga e professora de Universidade sarda.
Est nàschida in Aristanis in su 1937. A pustis de àere istudiadu in su litzeu De Castro de sa pròpiu tzitade s'est laureada in Sièntzias Polìticas in s'Universidade de Casteddu e at sighidu a istudiare in Bologna e in Califòrnia, in ue at pigadu su dotoradu. Tres annos a pustis de su dotoradu, at traballadu comente chircadora in s'Istitutu Carlo Cattaneo de Bologna e comente professora de Sotziologia me is Universidades de Bologna, Urbino e Casteddu[1][2].
In s'incumentzu de sa carrera sua de sotziòloga s'est ocupada de problemas clàssicos comente s'organizatzione e su rolu de is partidos polìticos in regìmenes diferentes. A pustis, gràtzias fintzas a s'interessu suo pro su movimentu feminista, s'est ocupada de s'istùdiu de su funtzionamentu de is istruturas de gènere in àmbitos de famìlia, traballu e polìticu, cun atentu ispetziale a sa realidade sarda[3].
At donadu unu contributu a sa linguìstica sarda puru, pighende fintzas parte a sa commissione chi at formuladu sa proposta de Limba Sarda Comuna e cuncordadu sa chirca sòtziu-linguìstica a pitzus de is limbas faeddadas dae is sardos. Issa etotu at istèrridu sa relata finale, cun tìtulu Le Lingue dei Sardi - Una ricerca sociolinguistica[4].
A pustis de sa morte sua, acontèssida in su 2018, sa famìlia at donadu is libros suos, prus de duamìgia tìtulos, a sa Biblioteca Comunale de Aristanis[1].
Controllu de autoridade | VIAF (EN) 64135562 · ISNI (EN) 0000 0000 3412 861X · BNF (FR) cb12936031b (data) · LCCN (EN) n83018398 · RERO 02-A003657152 · SUDOC (FR) 078207533 · WorldCat Identities (EN) n83-018398 |
---|