Coordinadas: 39°56′35″N 8°36′12″E / 39.943056°N 8.603333°E
Màssama | |
Nùmene ufitziale: | Massama frazione di Oristano |
Istadu: | Italia |
Regione: | Sardigna |
Provìntzia: | Aristanis (OR) |
Ladiore: | 39°56'35" Nord |
Longhiore: | 8°36'12" Est |
Artiore: | 9 m. subra su mare |
Tirada: | 6,41 km² |
Populatzione: | 532 biv./km² |
Comunes lacanantes: | Aristanis, Siamajori, Zeddiani |
Còdighe postale: | 09170 |
Prefissu telefònicu: | 0783 |
Còdighe istat: | 095806 |
Còdighe catastale: | F031 |
Bividores: | Massamesus |
Patronu: - Santu - Die |
Santa Maria Assunta 15 Austu |
Articulu in campidanesu
Màssama est una bidda de Sardigna in su Campidanu de susu, est una fratzioni de su comuni de Aristanis de 600 bividoris. Ddui funt tres cresias: sa cresia de Santa Maria Vergine Assunta, sa cresiedda o 'Oratorio delle Anime', chi parit siat de prima de s'annu 1000, e sa cresia de Santu Nicolau in ca ddui fut su campusantu beciu.
Sa bidda s'agatat in sa Sardinna centru ocidentali in su Campidanu de susu, oru oru de innui arribàt s'unda de su frùmini Tirsu chi currit a duus chilòmitrus de is domus, s'altitudini est de 9 metrus asuba de su mari e de mari est a prus pagu de cincu km. Màssama tenit a nord su comunu de TZeddiani, Siamajori a nord-est, a sud-est sa frazioni de Sibì. A ovest Nuraxinieddu e Boàtiri. Su logu est totu paris cun pagus arturas, ddui funt pariga de arrius: 'Su barrocu', 'Su riu' e su canali riu nura craba tzerriau 'canali de cioadrixi' de is massamesus. Sa terra est bella e ddui funt ortus in su bennaxi chi est de sa bidda andendi faci a su frùmini e laori, bìngias, olivàrius e matas de fruta a s'artra parti.
Tenit clima mediterràneu cun istadis callentis e ierrus no meda fridus, ddui proit, po su prus, de su mesi de Santu Àinu at Maju. I mesis prus fridus funt Gennarxu e Friàrgiu, is prus callentis Treulas e Austu.
Màssama arribat de su tempus de is Romanus e piga su nomi de una statio chi ddui fut in sa via Maxima sa strada antiga chi andada de Tharros a Forum Traiani (Fordongianus). Is primus òminis ddui funt arribaus de su tempus de sa preistòria. Is studiosus nant ca in 'montigu mannu' ddui fut unu 'insedianìment' eneolitico (prenuragicu) e apustis unu nuragicu cun d-unu nuraxi a turri sola chi est stètiu sciarrocau.
...de sighì a scriri
In sa noti intra su 8 e su 9 de friaxu de su 1917, apustis de diis e diis chi fut proendi, s'unda de su frumini Tirsu ndi aiat sciarrocau 34 domus e iat allagau giai totu is atras.
Màssama est stètia allobada a su Comuni de Aristanis comenti de fratzioni in su 1927.