campidanesu · logudoresu · nugoresu
Protozoos | |
---|---|
Immàgines de genias vàrias de protozoos | |
Classificatzione sientìfica | |
Domìniu | Eukaryota |
Regnos | Protozoa |
Protozoa o protozou est unu trèmene usadu in biologia pro inditare unu grupu de eucariotas unitzellulares, chi si nudriant de matèria orgànica comente àteros microorganismos o tessidos o rastas orgànicas.[1][2] Istoricamente is protozoos sunt istados cunsiderados "animales unitzellulares", ca fatu·fatu possedent condutas simigiantes a sas de sos animales, comente motilidade e apresadura, e farta unu muru tzellulare, tìpicu de is prantas e medas àligas.[3][4]
Cando fiant presentados pro sa prima borta dae Georg Goldfuß in su 1818, is Protozoos fiant postos in una classe classe a parte a intro de is animales,[5] cun sa paràula 'protozoos' significhende "primos animales". In is classificatziones prus a tardu fiant artziados a una bariedade de grados prus artos, incluende phyla, suta-regnos e regnos, e a bortas inclùidos in intro de is Protistas.[6] S'acostiamentu de classificare is protozoos in intro de su cuntestu de Animalia fiat comunu in is sèculu XIX e galu a primìtziu de su XX, mancari no universale.[7] A partire de is annos 1970, s'est costùmene de rechèrrere chi totu is taxon esserent monofilèticos (derivados dae un'antepassadu comunu chi diat èssere cunsideraduprotozou), e olofilèticos (cuntenende totu de su coladòrgiu connotu dae cuss'antepassadu comunu). Su taxon 'Protozoos' no intretzat in custos istandards, e sa costùmene de agrupare is protozoos cun is animales, e de ddos cunsiderare gasi relatados a curtzu cun custos, no est duncas giustificàbilee. Su trèmene sighet a èssere usadu in manera informale pro descrìere protistas unitzellulares (chi beneint a èssere, eucariotas chi no sunt animales, prantas, nen fungi) chi si nudrint peri eterotrofia.[8] Esempru de protozoos sunt Amoeba, Paramecium, Euglena e Trypanosoma.[9]
Cun totu chi b'apat cussèntzia ca su cuntzetu tassonòmicu traditzionale de "Protozoos' no intretzat cun is istandads tassonòmicos cuntemporàneos, unos cantos autores sighent a usare su nùmene, mentras aplichende·ddu a pro àteros rastas de organismos. In una sèrie de classificatziones segundu Thomas Cavalier-Smith e collaboradores de su 1981, su taxon Protozoa fiat aplicadu a unu grupu istrintu de organismos, e fiat classificadu regnu.[10][11][12] Un'ischema presentadu dae Ruggiero et al. in su 2015, ponet oto phyla ne relatados a curtzu in su regnu de is Protozoos: Euglenozoa, Amoebozoa, Metamonada, Choanozoa sensu Cavalier-Smith , Loukozoa, Percolozoa, Microsporidia e Sulcozoa.[13] Est de marcare ca custu acostiamnetu escluet grupos diversos e importantes de organismos segundu sa traditzione pertenentes a is protozoos, incluende Ciliophora, Dinoflagellata, Foraminifera, e is parassitos Apicomplexa, su cale fiat istadu localizadu in àteros grupos comente Alveolata e Stramenopiles, suta su polifilèticu Chromista. Is Protozoos in custu ischema non format unu grupu monofèticu e oloflèticu (clade), prusaprestu unu grupu parafilèticu.[14]
Wikimedia Commons tenet files chi ligant a: Category:Protozoa |