Ageman Hindu (Basa Sangsakerta: Sanātana Dharma "Kabeneran anu Langgeng", atawa Vaidika Dharma "Pangaweruh ngeunaan Kabeneran") nyaéta sahiji ageman anu asalna ti anak buana India (Asia Kidul). Kapercayaan ageman ieu téh asalna ti bangsa-bangsa Indo-Iran kuna (anu disebut bangsa Arya). Ageman ieu kira-kira mecenghul antara taun3102 SM nepi ka 1300 SM, sarta mangrupa salah sahiji ageman pangkolotna di dunya anu masih bisa tahan nepi ka kiwari.[1][2] Ageman ieu nyaéta ageman katilu pangbadagna di dunya, sanggeus ageman Kristen sarta Islam, kalayan jumlah panganut saloba ampir 1 milyar jiwa.[3]