Kanker nyaéta numuwuhna sel nu terus tumbuh di jero awak anu henteu nuturkeun pola pertumbuhan anu normal.[1] Sél-sél nu nyieun kanker téh nyebar ka sakumna awak ka bagian-bagian anu meureun jauh ti tempat di mana kanker aya.[1] Kajaba lamun kanker éta diangkat atawa diancurkeun, kanker bisa ngabalukarkeun pati ka penderitana.[1]
Sél-sél di jero awak sok tumuwuh.[1] Dina unggal sél-sél éta ngaleutikan sarta ngaleungit, tempat sél éta digantikeun ku sél-sél anyar kalayan jenis nu persis sarua.[1] Tapi sél-sél kanker katingal béda di antara sél-sél awak anu normal.[1] Sél-sél éta kasampak kawas sél ngora bagian ti awak di mana sél-sél éta tumuwuh.[1] Tapi cukup béda pikeun dipikawanoh minangka kanker sabot ditempo ngaliwatan mikroskop.[1] Sabot sél-sél kanker ieu beulah sarta nambahan jumlahna, sél-sél éta henteu robah jadi wangun anu bener-bener dewasa sarta saterusna ngandeg ngembang biak.[1] Tapi, sél-sél éta tetep ngora sarta tetep nambahan jumlahna nepi ka jadi picilakaeun.[1]
Sabada sél-sél kanker tumuwuh, sél-sél éta henteu tetep aya dina hiji tempat, tapi nyebar sarta pindah di antara sél-sél anu normal.[1] Sél-sél éta jadi loba, ku kituna, sél-sél normal dina bagian awak ieu henteu bisa terus digawé atawa komo henteu bisa hirup.[1] Sabot kanker asup kana getih, kanker éta dibawa ka bagian-bagian awak anu jauh.[1] di ditu kanker éta baris tumuwuh pikeun nyieun gumpalan-gumpalan badag anu ngaggangu kagiatan-kagiatan ti sél-sél anu normal.[1]
Penderita kanker bisa maot kajaba lamun pertumbuhan sarta sumebarna kanker dieureunkeun.[1] Éta sababna naha kudu ngariksakeun diri sacara berkala pikeun ngadeteksi kanker sarta ngubaranana saméméh panyakit éta nyebar leuwih jauh.[1] Kanker henteu disebarkeun ti jelema anu hiji ka jelema anu séjénna ngaliwatan hubungan.[1] Tacan aya ubar anu kapanggih anu bisa ngubaran kanker sacara tuntas sarta kapaké pikeun kabéh jenis kanker.[1] Salah sahiji ti sasaran-sasaran anu pangbadagna ti pengobatan nyaéta bener-bener nyurtian sipat sarta cukang lantaran kanker, sarta néangan cara pikeun nungkulan sarta nyageurkeunana.[1]
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |