Nutrisi nyaéta zat dina dahareun anu dibutuhkeun ku organisme supaya bisa tumuwuh sarta mekar kalawan hadé luyu jeung fungsina.[1] Nutrisi diala tinahasil direcahna dahareun ku sistim pencernaan.[1] Sarta mindeng disebut maké istilah sari-sari dahareun.[1]
Di handap ieu aya sababaraha rupa nutrisi:[2]
Karbohidrat nyaéta komposisi nu diwangun tina unsur karbon, hidrogén jeung oksigén, aya dina tutuwuhan saperti béas, jagong, gandum, beubeutian, sarta kawangun ngaliwatan prosés asimilasi dina tutuwuhan.[2]
Lemak nyaéta sumber énergi anu dipadetkeun.[2] Lemak jeung minyak diwangun tina gabungan gliserol jeung asam-asam lemak.[2]
Protéin nyaéta konstituen penting tina sagala sel, jinis nutrien ieu mangrupa struktur kompléks nu diwangun tina asam-asam amino.[2]
Vitamin nyaéta bahan organik nu teu bisa dibentuk ku awak sarta boga fungsi salaku katalis pikeun prosés métabolik awak.[2]
Mineral nyaéta unsur esensial keur fungsi normal sabagian énzim, jeung penting pisan dina ngadalikeun sistim cairan awak.[rujukan?] Mineral mangrupa konstituen utama tina jaringan lemes, cairan jeung rorongkong.[2] Rorongkong ngandung lolobana mineral.[2] Awak teu bisa nyintésis jadi kudu disadiakeun ngaliwatan dahareun.[2]
Cai nyaéta komponén panggedéna dina struktur awak manusa.[2] Kurang leuwih 60-70% tina beurat awak jalma sawawa mangrupa cai, mangka cai diperlukeun pisan ku awak, utamana keur maranéhna anu ngalakonan olahraga atawa aktivitas beurat.[2]