Gordion — Frigiya davlatining qad. poytaxti (Sangariya daryosining oʻng qirgʻogʻida, Turkiyaning Bebi qishlogʻi yaqinida). Arxeologik qazishlar natijasida undan miloddan avvalgi 8—5-asrlarga oid tosh va xom gʻishtdan ishlangan mudofaa devorlari, turar joylar, juda koʻp maishiy buyumlar, qabriston topilgan. G.dan topilgan mozor qoʻrgʻonlar qad. skiflarnikiga oʻxshash boʻlgan. G. miloddan avvalgi 7-asrda kimmeriylar tomonidan vayron qilingan.
Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan. |