De Gorge La Gorgue

De Gorge in't arroundissement Duunkerke
Geografie
Regio	Hauts-de-France
Departement	Noorderdepartement
Arroundissement	Duunkerke
Kanton	Oazebroeke
Coördinoatn	50°38′NB 2°43′OL
Ippervlak	15,03 km²
Inweuners
Inweuners Bevolkiengsdichtheid	5673 (2016) 377 inw./km²
Andere
Burgemêester	Philippe Mahieu
Postcode	59253
Webadres	Site van De Gorge

De Gorge (Frans: La Gorgue) es e gemêente in Vrankryk in't Noorderdepartement. 't Ligt in Frans-Vloandern in't Leiedal, ip't schee'n me Artesië. Langsn de nôordgrenze van de gemêente strôomt de Leie en doamee es't d'êenigste gemêente van't Noorderdepartement da bezuudn de Leie ligt. In De Gorge moundt ôok de Lawe uut in de Leie. De Gorge grenst an de gemêentn Stegers, Steenwerk, Sailly an de Leie, Wentie, Richebourg, D'n Strôom en Meregem. An den ôostkant van't center ligt et gehucht Nouveau Monde, wa in tydde ôordigde by 't Land van't Vrylêen, in teegnstellienge tout de reste van De Gorge.

Beziensweirdigeedn

't Staduus mè 't belfort
De Sinte-Pieterskerke uut 1895. In 1918 wos ze hil g'abimeerd, mor in de joarn 1920 wierd ze gerestaureerd.
D'Illig-Èrtekerke in't gehucht Nouveau Monde uut 1929
Der es e klêene archeologische site van de vroegere cisterciënzer-abdeye van Ouze-Lieve-Vrouwe van Beaupré-sur-la-Lys, by de moundienge van de Lawe. Vlakby stoat ôok e klêen privé-museum van d'abdeye en de lokoale geschiedenisse van De Gorge.
Ip't groundgebied van de gemêente ligg'n der ôok êenigte Iengelsche soldoatekerkoovn uut den Êestn Weireldoorloge:
- 't Laventie Military Cemetery, mè mêer of 500 groavn
- 't Pont-du-Hem Military Cemetery, mè mè of 1500 groavn.
- Ip de gemêentelyke begroafplekke ligg'n der ôok apeupri 150 militaire groavn, vandoar da't deur de CWGC erkend es ounder de noame La Gorgue Communal Cemetery.

Ofbeeldiengn die ier by passn ku je vien in de categorie La Gorgue van Wikimedia Commons.

Gemêentn in 't arroundissement Duunkerke

Officiële Fransche noamn