Robert Dechamps

Bob Dechamps

Idintité
Nexhance	- 3 d' octôbe 1914 - Wandjniye (Province do Hinnot)
Moraedje	- 2 di djulete 2002[1] - Lodlinsåt (Province do Hinnot)
Nåcionalité	Beldje

Bob Dechamps, di s' vraiy no Robert Dechamps^[2], c' esteut on tchanteu e walon, foirt rilomé.

Il aveut vnou å monde a Wandjniye, li 3 d' octôbe 1914, et aveut cmincî a bouter drola come boledjî.

Il a morou li 2 d' djulete 2002 a Lodlinsåt.

I tchantéve voltî des tchansons da Nicolas Boiron, Jacques Bertrand, François Loriaux, Alfred Launois, René Godeau udonbén Alfred Neufort. Elzès tchantéve si bén k' on-z aveut sovint les pinses ki c' esteut da sinne.

I djheut sovint on long monoloke divant d' tchanter ses tchansons. Ces-la, elzès scrijheut lu-minme.

Bob Dechamps aveut todi bråmint des djins a ses concerts. Cwand on lyi dmandéve : "gn a des djins, Bob ?", i respondeut, sins manke : "A crever, valet !".

Bob Dechamps djåzéve voltî walon, mins eto francès avou on foirt accint et des walonisses divins. C' esteut pacôp l' lingaedje di ses internedes (come chacun son accent). Il esteut eto on fén schoûteu des cåzaedjes e francès d' Walonreye, des Walons ki vlént djåzer francès, et des abagants Itålyins et Flaminds ki viként emey les Walons waloncåzants.

Il aveut scrît sacwants bokets e prôze dins l' gazete Metro et eto ene u deus tchansons (ene parexhowe dins l' Bourdon di fevrî 1954).

• tot seu :
  • Djef al fosse.
  • Djôzef a m’ mariaedje (monoloke po prezinter l' tchanson).
  • Djôzef al moutouwele.
  • Djôzef e vacances.
  • Li boû et l’ bådet.
  • Li cokî (monoloke po prezinter l' tchanson).
  • Li Flamind.

• tchansons redjårbêyes par lu so des viyès airs
  • A l' assôt do tram 7.
  • Lodiye.^[3]

• Avou des ôtes:
  • A ! l' djeu d' bale (avou H. Hancre et André Hancre).
  • Crolêye (avou Achille Dohet).
  • Al veye (avou Achille Dohet).
  • Nozôtes les Walons (avou Achille Dohet)
  • Djôzef a m’ mariaedje (avou F. Neufort & F. Montreuil).
  • Djôzef a messe
  • El danseu al viole (avou Achille Dohet, G. Manet).
  • El djouweu d' gueyes, el bire do payis, el cokî; les celeris (avou G. Legrand et F. Neufort)
  • Fefeye (Fifiye) (avou O. Grillaert et F. Neufort).
  • Les muzicyins (avou A. Launois et G. Legrand).
  • Les ptits moxhons (avou A. Launois).
  • Li facteur (avou F. Montreuil & G. Manet).
  • Li Grande Eva (avou M. Drouet et P. Font).
  • El Tango walon (avou H. Hancre et André Hancre).
  • Marcinele (avou Louka et Delporte).
  • Nozôtes les Walons (avou A. Dohet).
  • Tchålerwè, ké sale payis (avou François Lemaire)
  • Tchantans eshonne (avou G. Legrand).

• Di des grands scrijheus.
  • El måjhon di m' grand-pere, Dins les rouwales, da Françwès Loriaux.
  • Lolote (da Djåke Bietrand).
  • El vî pont d' Sambe, da Djôr Fayi.
• Di cåzaedjisses k' i boutéve cobén avou zels
  • Martchand d' lokes, Tchantez m' payis, Les danseus al viole, ele mindjive des biyokes (ele mindjeut des bulokes), tos cåzaedjes da G. André.
  • Å botike del pitite Manmance, da J. Reyniers et F. Neufort.
  • On ptit air d' årmonica, da A. Dohet et F. Neufort.
• Des ôtes cåzaedjisses.
  • L' acordeyoneu, da A. Pletinckx.
  • Padrî l' håye di no paxhi, da Loymar, J. Well et L. Botte.
  • Li viye djonne feye, da M. Guitty et A. Rainchon.
  • Ene pitite tasse, da J. Bachy et R. Godeau.

• Li Wiccionaire si rsieve di sacwantès fråzes da Bob Dechamps po-z enimådjî des mots k' i gn a.
• Ene pådje sor lu (so l' Aberteke)
• Hårdêyes eviè des fitchîs odio (riwaitåves so «VoBuze»)
• Monoloke «Payis d' Tchålerwè»

1. ↑ https://web.archive.org/web/20230415003900/https://www.lesoir.be/art//wangenies-l-hommage-des-carolos-a-leur-dernier-chantre-_t-20020708-Z0M1RN.html
2. ↑ 270 sicrijheus e walon do Payis-Noer (antolodjeye) p. 24.
3. ↑ 270 sicrijheus e walon do Payis-Noer (antolodjeye) p. 24.