L' istwere del Beldjike, come dislaxhî payis, ni cmince k' e 1830.
Divant çoula, ses bokets estént politicmint diferins, aprume li Principåté d' Lidje, et les Bas Payis otrichyins, schåyîs dispu l' 980, et ki n' restént dins l' minme grande intité (li France) ki dispu 1795. Mins eto li conteye di Flande, k' esteut ddja dispårteye des ôtes bokets d' asteure al Påye di Verdun (853).
Les frontires d' å cmince fourît co rcandjeyes e 1839 (Påye des 24 hagnons) pu e 1919 (Påye di Versaye).
Li Beldjike dimeure foû.
Li dislaxhaedje do Congo (1960) ki va divni li Congo-Kinchassa ni s' frè nén sins må.
Li Beldjike prinda pårt a l' aloyance siconte li Dayech moennêye pa les Amerikins (2014-2017). Dispu li 24 di setimbe 2014, elle atake les payis tinous pa ces djins la tot lzès bombårdant avou shijh avions tchesseus F-16 (pu cwate pa après). C' est dandjreus ene des cåzes des atacaedjes di Brussele et Zaventem e 2016.
Al fén d' leu mission, les avions avént leyî tchaire 999 bombes, çou ki rprezintéve cénk åcint di tos les bombårdumints des Aloyîs. Et 100 miyons d’ uros d' costindjes po l' Estat.[1]