Jules Vandereuse, c’ esteut on rcwereu sol walon do payis d’ Tchålerwè. Eto on scrijheu (e walon, ey e francès sol foclore eyet les ôtes waloneus). Eto on fel bouteu pol walon.
Il a skepyî li 12 d' avri 1873 ey il a morou li 12 di setimbe 1958.
Onk des prumîs ovreus pol Tonea d' Tchålerwè, la k' il eplaida toplin des powezeyes et des tchansons e walon, foiravant di 1896 a 1899.
Il aveut askepyî li prumire soce di scrijheus do Payis d’ Tchålerwè e 1898, et l’ batijhî Les Wallons d’ Chârlèrwèt. Mins l' soce n' a duré ki disca 1899.
Mimbe askepieu di l’ ALWAC e 1908 et prezidint disk' e 1938.
C' est lu eto ki mete so pî li «Federåcion walone literaire et dramatike do Hinnot» (li 19 di djun 1910).
Dins ses rcweraedjes, pus tård, i cachive purade après les biyografeyes des scrijheus e walon. Inte di zels, li cene da Philippe Sclaubas.
Divant d’ morou, il a rashonné totes les tchansons da Djåke Bertrand, et ndè fé on live k’ a parexhou après s’ moirt.[1]
Il a eto rilevé les prumîs tecses des scrijheus e walon del province do Lussimbork.[2]
Tos ces studias la sont scrîts e francès.
Si prumire pîce di teyåte, «On drole di rindez-vos» (In drole de rendez-vous), ene comedeye d' èn ake, a stî creyeye li 15 di nôvimbe 1896.
Après çoula, il a co scrît:
On lyi doet ossu on redjårbaedje carolo do Tchant des Walons.