Male est on payis d' Urope, en inglès eyet e maltès Malta; c' est ene iye metowe e fén mitan del Mîtrinne Mer, di 316 km² long et lådje, avou 400.000 dimanants.
| |||||
![]() | |||||
Lingaedje oficir | maltès eyet inglès | ||||
Mwaisse-veye | Li Valette | ||||
Prezidint | George Vella | ||||
Prumî minisse | Robert Abela | ||||
Sitindêye
- Totåle |
Classé 184inme
316 km² | ||||
Populåcion
- Totåle (2003) |
Classé 165inme
399.867 dimorants | ||||
Indepindince do Royåme Uni | 21 di setimbe 1964 | ||||
Manoye | Euro (EUR) | ||||
Coisse d' eureye | UTC +1 | ||||
Imne nåcionå | L-Innu Malti | ||||
Dominne Internet | .mt | ||||
Indicatif telefonike | 356 |
I gn a-st avou des djins so l' iye dispoy 5.200 divant noste ere. Les Fenicyins l' ont lomé Malat, çou ki vout dire "poirt å rcoet". Les iyes ont stî shuvannmint dizo l' controle di Cartadje (400 divant noste ere), poy Rome, eyet les Arabes e l' anêye 870, ki vont pår marker li tuzance maltesse.
E 1127, c' est les Sicilyins k' arivèt et Male ridvént crustinne. E 1530 les iyes sont dnêyes ås Tchvalîs d' Sint Djhan d' Djeruzalem (asteure kinoxhous come les Tchvalîs d' Male), k' avént stî tchessîs foû d' Rôde påzès Turks.
Napoleyon evayixha les iyes e 1798, poy les Inglès e 1800. E 1814, al Påye di Paris, Male fourit oficirmint metowe come pårteye di l' Impire britanike. Ele s' endè dislaxha li 21 di setimbe 1964, et rdjonde l' Union Uropeyinne e 2004.
Iyes d' Male:
Veyes:
Li payis est fwait d' l' iye di Male, li pus grande, del cene di Gozo, di mitan pus ptite, eyet del tote pitie Comino metowe inte les deus; les iyes sont e fén mitan del Mîtrinne Mer.
Ele si trouve a nonne del Sicile, dispårteye pal sitroetere di Male.