Sonk walon (Sang walon), c' est on roman e walon sicrît pa Félicien Barry ey eplaidî a Tchålerwè e 1945.
C' est l' shûte di Leyon Cranasse, tchampete pa amour, avou les minmes persounaedjes : Leyon k' a divnou li djinti tchampete di Merlimpont, on forveyou viyaedje. Clådimir, si pårén. Et po fé li måva personaedje : Constant do Tokeu, k' aveut stî al piole dins l' roman di dvant, mins k' a tot fwait s' tins d' prijhon et ki rarive a Merlimpont å cmince do live.
Li spoûle si passe e 1944, la k' on ratind l' liberåcion. Mins les tins sont deurs, veyanmint ki les Boches ont egadjî les gåres walons, des Walons ki fwaiynut avou zels. I ramassèt les djonneas, minme les soténs d' famile et les maryîs, po les evoyî al Werbestele. Come di djusse, Leyon Cranasse å grand cour va catchî des refractaires. Gn årè-t i ene cwand minme ene plaijhante fén ?