1000係999同1001之間嘅自然數。用指數記數法記係1×10³。

喺數學上，1000係等於10嘅3次方，即係話等於10將自己乘3次（= 10 x 10 x 10）。

漢字

漢字可以寫成一千，單字千；防簒改及睇錯寫法係壹仟。

寫法

• 英文好多時會用字母K嚟代表（因為英文好多時用「kilo-」做開頭嚟代表「千」），而呢樣嘢有時嚮中文都會用，例如「佢有廿K人工」就即係佢有二萬蚊嘅收入（通常係指每個月）。
• 好多人寫一啲大數目嘅時候，會用逗號（，）三個位、三個位咁分隔（由個位數數起），例如四百萬就寫4,000,000。所以1,000就係最細而又可以用到呢個符號嘅數。視乎文化，歐洲有啲地方（例如西班牙）會用點（.）嚟分隔，用逗號嚟做「小數點」。

常見用途

錢

一千蚊喺好多地方都係銀紙嘅其中一種面額。喺香港，一千蚊紙係市面上最大面額嘅銀紙。

電話號碼

因為個數易記，有時可能會俾人攞嚟做電話冧巴，例如喺香港，1000係電訊盈科嘅綜合熱綫。

詞語或詞句

喺中文入面，個「千」字好多時都會用嚟比喻多、大、遠之類嘅意思，或者用嚟強調一啲嘢，亦可以係一種誇張嘅手法。例如「千言萬語」、「千里眼」、「千方百計」、「千祈唔好咁做」等等。

註

睇埋

• 萬
• 百萬
• 數學
• 錢