Knol(knol.google.com)係 Google 嘅一個項目,想起一個好似維基百科或者市民百科等網友可以寫嘅知識網站。「Knol」係 Google 發明嘅新字,意思係「知識嘅單位」(A unit of knowledge)。
呢個計劃響2007年12月13號推出,初時好似 Gmail 啱啱出嗰陣,需要俾人請先至有得試玩。2008年7月23號,完全開放畀大眾使用。
Knol 同維基百科唔同,Knol 嘅作者一定要用真名,Google 重會查作者身份,証實之後,任由作者想寫乜就乜。除非作者想,唔係冇人改得佢寫嗰篇文。而同一個題目可以有多過一篇文,重會有讀者評分制度,等讀者嚟評一篇文嘅好壞。喺寫 Knol 文嘅人,重可以同 Google 對分廣告收入。