Die 30ste Dinastie (ook Dinastie XXX geskryf; 380–343 v.C.) was ’n koningshuis van Antieke Egipte. Dit het regeer in die Laat Tydperk.
Die dinastie het begin ná Nectanebo I se afsetting van Nefaaroed II, die seun van Hakor. Nectanebo het teen November 380 v.C. beheer oor die hele Egipte verkry, maar het ’n groot deel van sy bewind gebruik om sy koninkryk teen Persië te verdedig. Sy seun, Teos, het ná sy pa se dood die Persiese gebiede van wat nou Sirië en Israel is, aangeval en het net begin sukses behaal toe hy sy troon verloor deur die toedoen van sy broer, Tjahepimoe.[1] Tjahepimoe het van Teos se ongewildheid gebruik gemaak om sy eie seun, Nectanebo II, tot koning te verklaar en die leër het hulle agter Tjahepimoe geskaar.[2]
Nectanebo II se bewind is ook oorheers deur aanvalle van Persië, wat Egipte beskou het as ’n Persiese provinsie in opstand. Eindelik het Artaxerxes III van Persië Egipte in 343 v.C. weer binnegeval en Nectanebo het na Nubië gevlug.
![]() |
![]() |
![]() | |||||||||||||||||
---|---|---|---|---|---|---|---|---|---|---|---|---|---|---|---|---|---|---|---|
Cheperkare | Nectanebo I | 380 - 362 v.C | |||||||||||||||||
Irmaatenre | Teos | 362 - 360 v.C. | |||||||||||||||||
Senedjemibra Setepeninhur | Nectanebo II | 360 - 343 v.C. |
Voorafgegaan deur ← 29ste Dinastie |
30ste Dinastie | Opgevolg deur 31ste Dinastie → |