Dä Artikel behandlet en elsässer Theolog. Informaziona zom gleichnamiga deitscha Musiker findt ma do.

Dr Albert Greiner (* 6. April 1918 z Strôßburg; † 15. März 2013^[1]) ischt a franzeesischer Theologe, Pfarrer und Martin-Luther-Forscher gwäa.

Aus seim Leaba

Nôch-em Bsuech vo dr Schuel en Strôßburg hôt dr Albert Greiner an der Sorbonne en Paris Germanischdik ond an dr evangelisch-theologischa Fakuldeet Theologii studiirt. Vo 1943 bis 1944 isch’r Deitschlehrer en Lyon gwäa. Drei Jôhr schbätr schließlich isch’r zom Pfarrer vo dr Evangelisch-Lutherischa Kirch vo Frankreich ordiniirt wôrra. Vo 1947 bis 1983 isch’r Pfarrer an verschiidene Kircha en Frankreich gwäa. D Evangelisch-Lutherischa Theologischa Universiteed z Budapescht ond dui evangelisch-theologischa Fakulteet vo dr Uni Mincha hend-em da Doctor honoris causa vorliha. An Haufa Uffsätz hôt dr Albert Greiner fir dui Zeitschrift Positions luthériennes gschriiba.

Der Môô ischt vrheiradet gwäa ond hôt drei Kendr ghet.

A Auswahl vo seine Schrifda

• Luther. Essai biographique. Genf 1956.
• Le Saint-esprit, ce méconnu. Straßburg 1965.
• Martin Luther ou l’hymne à la grâce. Paris 1966. (Übersetzung: Martin Luther – Erfahrung der Gnade. Ibrsetzt vom Peter Göpfert ond vom Josef Erwin Korn. München 1967).
• Luther vu par les Français du XIXe et du XXe siècles. en: Francia Bd. 5 (1977), S. 708 ff.
• Martin Luther in Frankreich. En: Luther Bd. 56 (1985), S. 70-78.
• Martin Luther, sein Leben für Kinder erzählt. Lahr 1986.

Litradur

• Marc Lienhard: Greiner, Albert. En: Dictionnaire du monde religieux dans la France contemporaine. Bd. 5: Les Protestants. Paris 1993, S. 233 f.
• Greiner (Albert). En: Patrimoine littéraire européen. Bd. 13, Brüssel 2000, S. 401.
• Écriture, protestantisme et oecuménisme. Hommage à Albert Greiner pour ses 90 ans. Paris 2008.

Fuaßnoda

1. ↑ Dr Sterbeort muaß erscht noh ermiddlet werra!

Dä Artikel basiert uff ere fräie Übersetzig vu dere Version vum Artikel „Albert_Greiner“ vu de dütsche Wikipedia. E Liste vu de Autore un Versione isch do z finde.