D Fédération Internationale de Football Association (dytsch Internationaler Verband des Association Football), churz FIFA oder Fifa, isch dr Wältfuessballverband. Er het sin Sitz z Züri.

D FIFA isch e gmeinnützige Verein im Sinn vom Artikel 60 ff. vom Schwizerische Zivilgsetzbuech und si isch im Handelsregischter ytreit. Ire Präsident isch sit em 26. Februar 2016 de Gianni Infantino.

D FIFA organisiärt Fuessballwettbewärb, drunter d Manne-WM- und d Fraue-Fuessball-WM.

Gschicht

D FIFA isch anne 1904 z Paris gründet worde. D Gründigsmitgliider sind d Tschuttverbänd vo dr Schwiiz, vo Dütschland, Dänemark, Frankrych, Holland, Belgie, Schweeden und Spanie gsi.

Anne 1930 isch die erschti Tschutt-Wältmeisterschaft usträit worde.

Sit de 2000er Joor isch d FIFA mee und mee in d Kritik cho. Es isch vo Korrupzioon d Reed gsi, aber erst im Mai 2015 isch s zun ere Stroofverfolgig cho, wo s amerikanische Justizministerium hoochi FIFA-Funktionär het lo festnee. Am 8. Oktober 2015 het d Ethikkommission vo dr FIFA bekannt gee, ass dr FIFA-Bresidänt Sepp Blatter und au si Verdräter, dr Michel Platini, gspert sige. Am 21. Dezämber 2015 isch dr Sepp Blatter vom FIFA-Ethik-Komitee für acht Joor vo alle Ämter usgschlosse worde.

Literatur

• Bruno Affentranger: Sepp – König der Fussballwelt. Das System Joseph S. Blatter: seine Tricks, seine Tore. Xanthippe, Zürich 2007, ISBN 978-3-905795-01-1.
• Christiane Eisenberg, Pierre Lanfranchi, Tony Mason, Alfred Wahl: FIFA 1904–2004: 100 Jahre Weltfußball. Die Werkstatt, Göttingen 2004, ISBN 3-89533-442-1.
• Günther Furrer, Claudio Klages (Redaktion): Der verspielte Ball: Rückblick auf 150 Jahre Fussballgeschichte. NZZ, Zürich 2010, ISBN 978-3-03823-590-3.
• Lord Peter Goldsmith; Mark Pieth (Hrsg.): Die FIFA-Reform. Dike, Zürich / St. Gallen, Facultas, Wien und Nomos, Baden-Baden 2014, ISBN 978-3-8487-1570-1 (Nomos) / ISBN 978-3-03751-633-1 (Dike) / ISBN 978-3-7089-1156-4 (Facultas); englische Parallel-Ausgabe: Reforming FIFA 2014, ISBN 3-8487-1571-6.
• Andrew Jennings: FOUL! The Secret World of FIFA: Bribes, Vote-Rigging and Ticket Scandals. Harper Collins, New York, NY 2006, ISBN 0-00-720811-1.
• Thomas Kistner: FIFA-Mafia – Die schmutzigen Geschäfte mit dem Weltfußball. Droemer, München 2012, ISBN 978-3-426-27586-3.
• David Yallop: Wie das Spiel verlorenging. Die korrupten Geschäfte zwischen FIFA und Medien. Econ, Düsseldorf 1998, ISBN 3-430-19875-5.

Weblink

 Commons: FIFA – Sammlig vo Multimediadateie

• Website vo de FIFA