D Heike Allgayer (* 12. Juni 1969 z Lindaberg) isch e dytschi Medizineri, Molekularbiologi un Hochschuellehreri, wu vor allem zue dr Metaschtasierig vu Tumor forsche duet.

Noch em Abitur am Gimnasium z Lindaberg^[1] het d Allgayer vu 1988 bis 1995 Medizin an dr Ludwig-Maximilians-Uniwersitet (LMU) z Minche studiert, wu si au 1996 mit ere Dissertazion im Beraich Translatzonali Forscig zur Dr. med. bromewiert woren isch.^[2]

Vu 1997 bis 1999 het si al Postdoctoral fellow am MD Anderson Cancer Center vu dr amerikanischen University of Texas z Houston gforscht. Um die Zyt het si au ne Studium vu dr Molekularbiology mit dr Bromozion zur Doctor of Philosophy abgschlosse.^[2] Si isch retuurchuu uf Dytschland un het vu 1999 bis 2004 wider an dr LMU gschafft, wu si si 2001 in Experimänteller Chirurgy habilitiert un 2004 d Fachdokterbriefig fir Chirurgy abglait het. Derzue het si 2003 zuesätzlig e Diplom as Gsundhaitsekonomi im Färnstudium am private Bedribswirtschaftlige Inschtitut Profässer Braunschweig z Khuur gmacht.^[3]

Anne 2004 het si ne Ruef uf e ordeligi Brofässur an dr Medizinische Fakultet Mannem iberchuu, aire vu dr boode unabhängige Medizinfakultete vu dr Uniwersitet Haidelberch. Bis 2015 het si d Abdailig fir Experimäntelli Chirurgy un d Abdailig Molekulari Onkology vu solide Tumor vum Dytsche Chräbsforschigszäntrum (DKFZ) Haidelberch glaitet. Syt 2015 isch si d Diräkteri vum Lehrstuel fir Experimäntelli Chirurgy – Tumormetaschtasierig im Zäntrum fir Biomedizin un Medizintächnik Mannem (CBTM) vu dr Medizinische Fakultäe Mannem. Im Zytruum vu 2018 bis 2020 isch si derzue aa stellverdrättendi Diräkteri vum CBTM gsii.^[4]

D Allgayer isch Mueter vun ere Dochter.^[5]

D Allgayer forscht zue dr Metaschtasierig vu Tumor un zu dr wichtige Schlisselmechanisme. Ire bsunder Inträssi giltet dr Roll vu microRNA un vu tumor-assoziierte Protease in ire Aigeschaft as molekulari Regulatore vum Metaschtasierigsbrozäss. Ain vu ire ander Schwärpinkt isch di Translazional Forschig. Die wird zum Byschpel yygsetzt go d Aignig vu vorhär definierte Schlisselmolekül vu dr Metastasierig as Biomarker bstimme. Die chennte im Rame vun ere prezisere interdisziplinere Diagnoschtik zuen ere Vorhersag vu dr indiwiduälle Risikowohrschynligkait vun eme ainzerne Paziänt fir d Entwicklig vu Metaschtase bydrage oder iber dr erwarter Chranketsverlauf oder d Wohrschynligkait, ass dr Paziänt uf bstimmti neii Therpyforme aaspräche duet (“Molekular Tumorstaging”).^[6][7]

Ire erscht Bryys het d Allgayer scho im Alter vu 17 Johr iberchuu, derno sin iber 20 anderi Uuszaichnige chuu,^[4] dodrunter dr mit 1 Millio Euro dotiert Ferderbryys vu dr Alfried Krupp von Bohlen un Halbach-Stiftig fir iri Arbet iber d Bedytig vu biologische Fakter as wichtigi Bstimmigsgreßene fir dr Verlauf un d Prognoschtizierbarkait vun ere Chräbschranket.^[8]

• 1986 1. Bryys vu dr Dytsche Chemische Induschtry fir d Ferderig vum wisseschaftlige Noowugs
• 1997 Forschigsstipändium vu dr Dr. Mildred Scheel Stiftig (Dytschi Chräbshilf), fir ire Postdoc-Ufenthalt am MD Anderson Cancer Center, Houston
• 1999 Rhone-Poulenc-Rorer-Bryys fir Noowugswisseschaftler*ne vu dr Amerikanische Gsellschaft fir Chräbsforschig (AACR), Philadelphia, USA
• 1999 Langenbeck-Forschigsbryys vum Dytsche Kollegium vu dr Chirurge
• 1999 1. Bryys, Wolfgang Wilmanns Forschigsstiftig fir innovativi Kunzäpt vu dr translazionale Chräbsforschig
• 2000 1. Bryys vu dr DPC-Biermann-Akademy fir Biomedizinischi Wisseschafte
• 2001 Ferdinand-Sauerbruch-Forschigsbryys vu dr Berliner Chirurgechammere^[9]
• 2002 Johann-Nepomuk-von-Nussbaum-Forschigsbryys vu dr Bayerische Akademy vu dr Chirurge
• 2002 Forschigsbryys vu dr Drs. Graute- un Graute-Oppermann-Stiftig, Essen
• 2003 Johann-Georg-Zimmermann-Bryys fir usserordeligei Verdienscht in dr Chräbsforschig, Uniwersitet Hannover^[10]
• 2004 Forschigsbryys vu dr Ingrid-zu-Solms-Stiftig fir rusragendi Laischtige vu Fraue in dr Wisseschaft, Frankfurt
• 2005 Young Cancer Researcher Award Lecture vu dr EACR (European Association of Cancer Research)
• 2005 Ferderbryys vu dr Alfried Krupp von Bohlen- un Halbach-Stiftig
• 2006 Hella-Bühler-Bryys, Uniwersitet Haidelberch ^[11]
• 2007 European Association for Cancer Research (EACR) First Annual Distinguished Lecture, Nottingham, UK
• 2008 Walter-Schulz-Bryys, Minche ^[12]
• 2013 Lilly Onkologie-Vorläsig, Dresden
• 2014/15 Inoviem Scientific Excellence Award, Inoviem Scientific, Stroßburi^[13]
• 2020/21 Otto Herz Memorial Lecture in Cancer Research an dr Uniwersitet Tel Aviv, Israel

• Literatur vu un iber Heike Allgayer im Katalog vu dr Dütsche Nazionalbibliothek
• Heike Allgayer in dr Datebank AcademiaNet
• Interview in Spektrum.de vum 4. Jänner 2007
• Tumorzellen auf Wanderschaftin Einblick, Publikazion vum Dytsche Chräbsforschigszäntrum, Uusgab 3/2011

1. ↑ Krebs-Forscherin aus Lindenberg erhält Preis. In: all-in.de. das allgäu online, 18. Juli 2005, abgruefen am 7. August 2022. 
2. ↑ ^{2,0 2,1} Krupp-Förderpreis geht an Mannheimer Wissenschaftlerin. In: abitur-und-studium.de. 1. Juli 2005, abgruefen am 7. August 2022. 
3. ↑ Klaus Wingen: Krupp-Förderpreis geht an Mannheimer Wissenschaftlerin. In: idw-online.de. Informationsdienst Wissenschaft, 1. Juli 2005, abgruefen am 8. August 2022. 
4. ↑ ^{4,0 4,1} Lebenslauf Heike Allgayer. UMM Universitätsmedizin Mannheim, abgruefen am 8. August 2022. 
5. ↑ Heike Allgayer: Karriere und Kind – „Ich wünsche mir grundlegendere Diskussionen“. In: XX Die Zeitschrift für Frauen in der Medizin. Band 2, Nr. 02, Mai 2013, ISSN 2193-584X, S. 82–84, doi:10.1055/s-0033-1347139 (thieme-connect.de [abgerufen am 9. August 2022]). 
6. ↑ Heike Allgayer: Forschungsschwerpunkte. UMM Universitätsmedizin Mannheim, abgruefen am 8. August 2022. 
7. ↑ Experimentelle Chirurgie - Tumormetastasierung. In: UMM Universitätsmedizin Mannheim. Abgruefen am 8. August 2022. 
8. ↑ Verleihungen. Deutscher Ärzteverlag GmbH, 21. Oktober 2005, abgruefen am 8. August 2022. 
9. ↑ Münchner Chirurgen mit Ferdinand-Sauerbruch-Forschungspreis ausgezeichnet. In: idw-online. 6. März 2001, abgruefen am 9. August 2022. 
10. ↑ Hohe Auszeichnungen für Krebsforscher. In: idw-online. 14. Januar 2003, abgruefen am 9. August 2022. 
11. ↑ Universität Heidelberg zeichnet Mannheimer Krebsforscherin aus. In: idw-online. 19. Juli 2006, abgruefen am 9. August 2022. 
12. ↑ Heike Allgayer mit Forschungspreis der Walter Schulz Stiftung ausgezeichnet. In: idw-online. 22. Oktober 2008, abgruefen am 9. August 2022. 
13. ↑ Preis für die Erforschung eines Mechanismus, der die Therapieresistenz von Tumoren überwinden hilft. In: idw-online. 3. März 2015, abgruefen am 9. August 2022. 

Dä Artikel basiert uff ere fräie Übersetzig vu dere Version vum Artikel „Heike_Allgayer“ vu de dütsche Wikipedia. E Liste vu de Autore un Versione isch do z finde.