De J.P. Love (eigetlech: Jean-Paul Lob; † 11. März 2021[1]) isch en Schwiizer Moderator, Showmaschter, Schlagermusiker, Unterhalter und Schauspiiler gsi. In dr letschte Jahre het er au as Darsteller und Film-Koproduzent i dr Erwachsenefilm-Branche gschaffet.
J.P. Love (richtige Name Jean-Paul L.[2]) het bis is Jahr 2004 aus Devisebroker gschaffet. Dr J.P. LOVE het näbebi wärend viune Jahr im Stadttheater Bärn als Chlidarsteller gwürkt und über 200 verschideni Roue gschpiut. Er het o Gaschtuftritte i dä Fernsehseriene Lüthi und Blanc sowie Cafe Bale ka. Er het o i viune Chinofiume mitgspiut (z. B. Kleine frieren auch im Sommer, Konfrontation, Tell usw.)
Dr J.P. Love het sech im Jahr 2004 wöue verändere u het be sim damalige Arbeitgäber kündet.
Im Johr 2006 isch er id Erwachsenefilmbranche cho (3 Awards). I dä Jahr 2007 u 2008 het dr J.P. Love bim Fernsehsänder Schweiz 5 ex U1 tv über 800 Schous moderirt. Ändi Dezämber 2008 het sech dr J.P. LOVE vom Sänder trennt. Me cha dr J.P. Love mängisch o uf Telebärn und uf andere Sänder SAT 1, PRO 7 RTL, VOX usw. gseh.
Dr J.P. Love het au mit em Baschi im Video für ä Song „wenn das Gott wüsst“ mitgwirkt.
Im J.P.Love sy Buebetroum isch immer ds Singe gsi und im Jahr 2008 het er e Sängerkariere agfange.
Im Juli 2010 isch er in d Schlagziile cho, wil er e Chlag gäge s Schwiizer Fernseh aakündt het. Bi ere Dokumentation über Roma-Proschtituiirti z Züri isch de J.P. Love gfilmet worde, wo-n-er versuecht het, Fraue für 2'000 SFr zum Mitmache in eme „Samichlaus-Porno“ z überschnurre. E 19-jährigi, wo sich druf iigloh het, isch schints vo ihrem Zuhälter derzu zwunge worde und het vo dem Gäld nüd übercho.[3]
Er isch im Alter vo 60 Jahr im März 2021 verstorbe.