Joseph Lefftz (* 14. April 1888 in Owernah, † 13. November 1977 in Stroßburj) isch e Forscher vo dr elsässische Folklore un Literaturwüsseschaftler gsi.
Dr Joseph Lefftz stammt us eme lang zruck nochwisbare elsässische Buure- un Winzerg'schlächt. Er isch 1894 erschd uf d'Volksschuel, drno uf 's Progymnasium Owernah gange; 1898 isch er uf 's Gymnasium Schlettstadt cho. 1908 - 1913 het er dütschi un klassischi Philologie an der Universität Stroßburj studiert un 1913 über de Thomas Murner promoviert (druckt 1915); aschließend isch er kurz Lehrer am Gymnasium Schlettstadt gsi. Sit 1914 isch dr Joseph Lefftz an der Stroßburger Universitäts- un Landesbibliothek Bibliothekar un Konservator gsi. 1918 het er mit siinere umfangriiche volkskundliche un literaturwüsseschaftliche Tätigkeit mit em Schwerpukt vo dr elsssische Folklore in Musik un Bruuchtum aag'fange. Er het au d'Redaktion vo dr Zitschrift Elsaßland/A travers les Vosges (zsämme mit em Alfred Pfleger) überno. 1941 isch er Honorarprofessor an dr Universität Stroßburg worde. Anne 1945 isch er vo dr Süferigskommission als Bibliothekar entlo worde un het sii Poschde erschd noch faschd zäh Johr z'ruckkriegt.[1]