| Maultrommel | |
|---|---|
| engl.: Jew´s harp oder jaw harp, ital.: Scacciapensieri, frz.: Guimbarde | |
 | |
| Klassifikation | Zupfidiophon |
| Donumfang | Eidönig, variabli Oberdöön |
| Doonbischbil | Klangbischbil |
| Verwandti Instrumänt | Schnuuregiige |
D Muuldrummle isch e chliis Musiginstrumänt mit ere Durchschlagzunge, wohrschiinli eins vo de eltiste Musiginstrumänt. Draditionell wärde noch däm Brinzip uf dr ganze Wält Döön gmacht: Mä duet s Muul uf und hebt s Instrumänt nooch draa. Denn setzt mä die elastischi Zunge vom Instrumänt mit dr Hand in Schwingig, und die wird im Muul inne versterkt und dr Klang wird dur s Verändere vo dr Grössi vo dr Muulhöhli und dur s Schnuufe gänderet. Dr Doonumfang vo dr Muuldrummle isch chlii. Alli Oberdöön, wo mä cha mache, basiere uf em gliiche Grunddoon, wo mä immer ghört. Dorum zellt mä d Muuldrummle zu de Borduninstrumänt, de Brummbäss, ängl. Drone.
D Muuldrummle isch in de letschte 200 Johr as solistischs Musiginstrumänt fast ganz verschwunde. In dr Volksmusig het sä vo 1900 aa d Schnuuregiige verdrängt, wo noch eme ähnlige Brinzip Döön erzügt.
