Nieuw Amsterdam, dütsch Nöi-Amsterdam, isch vo 1624 bis 1664 dr Sitz vo dr Verwaltig vo dr niiderländische Kolonii Nieuw Nederland (Nöi-Niiderlande) uf em Gebiet rund um s hütige Manhattan gsi.

Am Aafang vom 17. Joorhundert häi under anderem au d Holländer d Ostküste vo Nordamerika erforscht und sich an e baar Stelle niidergloo und d Kolonii Nöi Niiderland gründet. E Verdräter vo dr Niiderländische Westindie-Kompanii het 1626 vo de Lenni Lenape s Rächt kauft, sich uf Manna-hatta niiderzloo. Nöi Amsterdam isch entstande und het sich zur wichdigste Siidlig vo dr Kolonii entwigglet. Am 2. Februar 1653 het dr Ort s Stadträcht überchoo. Am 27. August 1664, churz bevor dr Zwäit Änglisch-Niiderländisch Seechrieg usbroche isch, het e britischi Expedizioon under em Richard Nicolls Nieuw Amsterdam ooni Kampf iignoo. Bald druf isch dr Naame zu Nöi York gänderet worde.

• Berthold Fernow (Hrsg.): The records of New Amsterdam: From 1653 to 1674 Anno Domini. 7 Bde. New York 1897, Baltimore 1976 (Repr.) – (Wichtigste Quellenedition zur Geschichte Nieuw Amsterdams)
• Mariana Griswold Van Rensselaer: History of the City of New York in the seventeenth century. Bd 1. New Amsterdam. Nöi York 1909.
• Günther Schilder, Jan van Bracht: The origins of New York, commentary to the facsimile edition of “Nieuw Amsterdam” ofte nue Nieuw Torx bpt ‘Eylant Man’ and ‘Afbeeldinge’ van de stadt Amsterdam in Nieuw Nederlandt. Edition Seefeld, Züüri 1988.
• Isaac Newton Phelps Stokes: The iconography of Manhattan Island 1498–1909. 6 Bänd. Nöi York 1915–1928.
• Russell Shorto: New York - Insel in der Mitte der Welt. Wie die Stadt der Städte entstand. Rowohlt, Hamburg 2004. ISBN 3-499-62091-X

 Commons: Nieuw Amsterdam – Sammlig vo Multimediadateie

Dä Artikel basiert uff ere fräie Übersetzig vum Artikel „Nieuw_Amsterdam“ vu de dütsche Wikipedia. E Liste vu de Autore un Versione isch do z finde.