|
Dä Artikel begandlet dr Begriff «Prolog» in dr Litratur. Für anderi Bedütige lueg doo. |
Dr Prolog (griechisch πρόλογος /prólogos/ «Vor-Wort») bedütet so vil wie «Vorwort». Es bestoot us de Bestanddäil „pro“ (griechisch „vor“) und „logos“ (griechisch „Wort“). Entsprächend bezäichnet dr Epilog s Noochwort.
E Prolog isch en Iiläitig, Vorreed oder au e Vorwort. Bekannt für sini Vorwort isch zum Bischbil dr Erich Kästner gsi, wo vor sini „häitere Romän“ für Erwaggseni gärn en usfüerligs, ironischs und zum Däil sälbstkritischs Vorwort gstellt het.
Im Drama isch d Rolle vom Prolog vilmol d Absicht vom Stück z erklääre. D Handlig vom Prolog cha mit em Stück verbunde si, oder separat vom äigentlige Drama in d Thematik iifüere. Dr Prolog cha us eme Dialog zwüsche zwäi oder meerere Figure vom Drama bestoo, aber au Monolöög von ere Person, wo mänggisch gar nüt mit em Stück z due het, chömme vor.
