Schweizer Monat
|
|
Beschriibig
|
Schweizer Monatszeitschrift
|
Verlag
|
SMH Verlag AG (Schweiz)
|
Erstusgob
|
April 1921 (as Schweizerische Monatshefte für Politik und Kultur)
|
Erschiinigswiis
|
10 Mal jährlich
|
Uflag (eigene Angaben) |
5'000–7'500 Exemplar
|
Riichwiiti (eigene Angaben) |
0,018 Mio. Läser
|
|
De Schwyzer Monet (mit volem hoochtüütschem Titel Schweizer Monat. Die Autorenzeitschrift für Politik, Wirtschaft und Kultur) isch e liberaali Zytschrift, wo z Züri useggèè wiird. Ab irer Gründig 1921 hät si Schweizerische Monatshefte ghäisse, ab 1931 Schweizer Monatshefte – und de hüttig Name hät si sit 2011.
Was die Zytschrift isch
D Zytschrift verstaat sich as Autoorezytschrift, wo äigeständigi Chöpf us Politik, Wiirtschaft und Kultuur z Woort chömed. Luut de Zürizytig reflektiert de Schwyzer Monet us «pointiert liberaaler Waarte s politisch, wiirtschaftlich und kulturell Läbe vo de Schwyz, aber au vo Europa und drüber use»; «liberaal» bedüüti daadebi «ordoliberaal».[1] Luut em früenerige Chefredakter René Scheu, wo s Magazyn 2011 nöi uufgläiset hät, isch es «sachlich, freihäitlich, mit Luscht a de Debatte».[2]
d Gschicht
Ggründet woorden isch si im Umfäld vom Volchsbund für d Unabhängigkäit vo de Schwyz und vom Tüütschschwyzerische Spraachveräin (hüt Spraachveräin vo de tüütsche Schwyz) z Basel. Scho 1922 isch si dän aber uf Züri züglet. Si isch doozmaal für staatlichi und kulturelli Äigeständigkäit i Verbindig zum «tüütsche Gsamtkultuurrych» uufträtte. I de früene Dryssgerjaar isch si mee und mee fröntlerisch woorde, hät dän aber nach internem Stryt wider de Rank gfunde. Nach em Chrieg isch si für e wiirtschaftsliberaali Naachchriegsoornig yträtte. Ab de 1960er-Jaar hät si sich e stèrcheri kulturelli Uusrichtig ggèè. Ab de 1990er-Jaar isch e nöii Gänerazioon vo liberaalen Ökonoome mee z Woort choo. 2011 hät s en Relaunch ggèè.[3]