Star Wars [stɑr wɔ(ə)rs] (dt. Krieg der Sterne, wörtlech: Stärnchriege) isch ä Science-Fiction-Sag, wo vom Drehbuechautor, Produzänt und Regisseur George Lucas uusdänkt worde isch. Äs hät aagfange mit em Film Krieg der Sterne (Neu Titel siit 1997: Star Wars: Episode IV - Eine neue Hoffnung). Är isch am 25. Mai 1977 i di amerikanische u am 2. Februar 1978 i di westdüütsche Chinos cho. Dr Film hät sich zu eim Phänomen vo dr hütige Popkultur entwicklet. Füüf wiiteri Filme si gfolgt, sowie ä Reihe vo lizänzierte Büecher, Comic-Hefter, Videospiil, Näbefilm, Fernsehserieä, Spiilzüüg, Koschtüm u angeri Produkt. 2012 si witeri Film aagchündet worde.
Star Wars handlet vom ewige Kampf zwüüsche Guet und Böös. Dä Kampf spiilt „vor langer Zyt“, in ärä „wiit, wiit entfärnte Galaxii“.
