Staufe
Basisdate
Staat:	Schwiiz
Kanton:	Aargau (AG)
Bezirk:	Länzbrgw
BFS-Nr.:	4210i1f3f4
Poschtleitzahl:	5603
Koordinate:	654887 / 24823047.382628.16548420Koordinate: 47° 22′ 57″ N, 8° 9′ 56″ O; CH1903: 654887 / 248230
Höchi:	420 m ü. M.
Flächi:	3.58 km²
Iiwohner:	4152 (31. Dezämber 2021)[1]
Website:	www.staufen.ch
Staufe
Charte
w

Staufe (amtlich Staufen) isch e Gmeind im Bezirk Länzbrg vom Kanton Aargau.

Geografy

S Dorf lyt am undere Ändi vom Seetaal grad näbe dr Stadt Länzbrg. Es isch am Fuess vom Staufbärg, eme markante chegelfömige Bärg, wo gnau 100 Meter über d Ebeni ufstygt. D Nochbergmeinde vo Staufe sind Länzbrg, Seen, Schofise und Robischwyl.

Gschicht

S erschte Mol isch dr Name vom Dorf ane 1036 im ene Dokumänt vom Stift Möischter erwäänt. S althochdütsche Wort «stouf» bedütet e Bächer. Me het also dr rund hööch Bärg wie so ne umgcheerte Bächer agluegt und em wege däm der Name ggä. Im Gmeindwappe chöme grad drü Bächer vor, äänlech wie bi Staufe im Brysgau.

Uf em Staufbärg isch di chlyni Staufbärgchile, wo 1420 im gotische Stil neu bout worden isch. Si het schööni farbegi Pfäischter vo dozmol, wo zu der grossartige Serie vo spootmiddelalterleche Glasmoolereie im Aargau zelle.^[2]

• 
  s Chileli ufem Staufbärg
• 
  farbegi Glaspfäischter, öpe vo 1440
  mit dr Läbensgschicht vom Jesus
  und Apostelfigure
• 
  d Chanzle

Literatur

• Ernst Murbach: Kirche auf dem Staufberg. Basel 1975.
• Brigitte Kurmann-Schwarz: Glasmalerei im Kanton Aargau, Bd. 1, Königsfelden, Zofingen, Staufberg. Reinach 2002.
• Jürg Andrea Bossardt: Die Kirche Staufberg. Hinterkappelen 2008.

Weblink

•  Commons: Staufe – Sammlig vo Multimediadateie
• Website vo dr Gmeind Staufe
• Felix Müller: Staufen. In: Historisches Lexikon vo dr Schwiiz.

Fuessnoote

1. ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2021. Bei späteren Gemeindefusionen Einwohnerzahlen aufgrund Stand 2021 zusammengefasst. Abruf am 13. März 2023
2. ↑ Glasmoolerei ufem Staufbärg uf ref-kirchen-ag.ch