Villmärge | |
---|---|
Basisdate | |
Staat: | Schwiiz |
Kanton: | Aargau (AG) |
Bezirk: | Brämgarte |
BFS-Nr.: | 4080 |
Poschtleitzahl: | 5612 |
UN/LOCODE: | CH VMG |
Koordinate: | 660973 / 244508 |
Höchi: | 437 m ü. M. |
Flächi: | 11, 94 km² |
Iiwohner: | 7869 (31. Dezämber 2022)[1] |
Website: | www.villmergen.ch |
Charte | |
Villmärge (amtlich Villmergen) isch e Gmeind im Bezirk Brämgarte vom Schwiizer Kanton Aargau. S Dorf ligt am Weschtrand vom Bünztal.
De Gmeindsbann isch 1194 Hektare gross, dodervo sind 415 Hektare Wald und 264 Hektare überbaut. De höchschti Punkt isch uf 712 m ü. M., der tüüfschti uf 408 m. Nochbargmeinde sind Dottike im Norde, Wole im Oschte, Büttike im Südoschte, Sarmistorf im Süde, Seenge und Egliswil im Weschte sowie Dintike und Händschike im Nordweschte.
Historisch am bedütendschte sind di beide Villmärgerchrieg, wo mit zwei Schlachte in de Johr 1656 und 1712 hiir schtattgfunde hei.