O piano ye un instrumento musical de cuerda percutita con 88 teclas que se tocan con os cinco didos d'a mán y pedals que se presionan con os piez. As teclas accionan un mecanismo de martiellos que trucan as cuerdas, fendo que istas produzcan sonito. Os pedals actuan sobre o mecanismo t'alterar cualidaz d'o sonito: fer-lo mas suau (pedal celeste) u anulando l'acción d'os apagadors, fendo que no se talle o sonito cuan se deixan de presionar as teclas (pedal de resonancia). O nombre de piano viene de l'abreviadura d'o termin italiano pianoforte, ya que iste instrumento, a diferencia d'o clavicembalo, podeba sonar piano (floixo) u forte (fuerte). O pianoforte estió un instrumento inventato arredol de l'anyo 1690 por o italiano Bartolomeo Cristofori.
