Alfre Woodard | |
---|---|
Vida | |
Nacimientu | Tulsa, 8 de payares de 1952[1] (71 años) |
Nacionalidá | Estaos Xuníos |
Residencia | Santa Monica |
Llingua materna | inglés |
Familia | |
Casada con | Roderick Spencer (1983 – ) |
Estudios | |
Estudios |
Universidá de Boston Boston University College of Fine Arts (en) Bishop Kelley High School (en) |
Llingües falaes | inglés |
Oficiu | actriz, actriz de teatru, actriz de televisión, actriz de cine, actriz de voz |
Trabayos destacaos |
El rey león (es) Dinosaurio (es) |
Premios |
ver
|
Nominaciones |
ver
|
Creencies | |
Relixón | ciencia cristiana (es) |
Partíu políticu | Partíu Demócrata |
IMDb | nm0005569 |
Alfre Ette Woodard (8 de payares de 1952, Tulsa) ye una actriz d'Estaos Xuníos. Foi nomada a los Premiu Óscar y ganó cuatro Premios Emmy, trés Premios del Sindicatu d'Actores y un Premiu Globu d'Oru.
Woodard nació en Tulsa (Oklahoma), fía de Constance, un ama de casa, y Marion H. Woodard, un empresariu y diseñador d'interiores. Asistió a la Bishop Kelley High School, una escuela católica privada en Tulsa. Estudió drama na Universidá de Boston. Woodard vive en Santa Monica (California) col so maríu, l'escritor Roderick Spencer, y los sos dos fíos adoptivos, Mavis y Duncan. Ella ye una siguidora de la Ciencia Cristiana. Tamién ye fundadora y miembru de la xunta de Artists for a New South Africa (Artistes pa una Nueva África Meridional) y tamién participa viviegamente nel Partíu Demócrata.
Woodard apaeció en numberoses series de televisión y películes. Foi nomada al Óscar a la meyor actriz de repartu pola so actuación na película de 1983 Cross Creek. Tamién tuvo'l papel de Lily Sloane, l'asistente de Zefram Cochrane, en Star Trek: First Contact.
Ente los trabayos de Woodard pa televisión atópense Hill Street Blues, St. Elsewhere, Puss in Boots, L.A. Law y Homicide: Life on the Street. Woodard ganó cuatro premios Primetime Emmy poles sos actuaciones en Hill Street Blues, L.A. Law, el telefilme Miss Evers' Boys y The Practice. Tamién recibió nominaciones por Words by Heart, St. Elsewhere, Unnatural Causes, A Mother's Courage: The Mary Thomas Story, The Piano Lesson, Gulliver's Travels, Homicide: Life on the Street y The Water Is Wide. De 2005 a 2006, Woodard actuó na serie d'ABC Desperate Housewives nel papel de Betty Applewhite, pol cual recibió otra nominación a los Emmy.
Woodard tamién participó en delles obres de teatru, ente les que s'atopen Map of the World, Drowning Crow, Me & Bessie y Cuentu d'iviernu.
Añu | Categoría | Película | Resultáu |
---|---|---|---|
1984 | Meyor Actriz de repartu | Cross Creek | Nomada |