Los Alpes[1] son una importante cordelera de montes allugaos n'Europa central. La so cume principal ye'l Mont Blanc, con una cimera de 4.810 metros d'altor. Alrodiu de los Alpes —favorecíu por ríos importantes de caudal uniforme y bayuroses tierres pa cautivar— edificóse la importante civilización qu'anguaño conocemos.
Nun se sabe ensembre, si foren los celtes, los romanos o los xermanos los que bautizaren los altos picos alpinos, esistiendo delles etimoloxíes dables:
Los pueblos celtes foren unos de los primeros pobladores de la rexón, ya que metanos d'ellí desendolcaren les sos primeres manifestaciones culturales, conocíes como La Tène, enantes d'estendese pel restu d'Europa. Estos pueblos denomaben alpe en xeneral a tou monte escarpáu.
La pallabra Alpes pudo formase a partir d'albos, términu llatín pa definir blanco, o a partir d'alb, términu celta equivalente. Tuvo de ser la eleición d'unos colonos maraviyaos pol color blancu intensu de les cumes nevaes.
Na mitoloxía antigua de los xermanos, Alp yera un espíritu aereu que moraba na cume de los montes más arispies, baxando de xemes en cuando a carenar a les xentes de les poblaciones averaes.
Otra etimoloxía rellaciona la pallabra Alpes col significáu de valle, lo qu'amosaría que cuando foren "bautizaos" con esi nome nun interesaben les cumes, sinón les brañes altes.
Asina como nos Pirineos la elevación de los montes más importantes trespasa los tres mil metros y nel Himalaya los ocho mil, los Alpes desplíquense como una socesión de montes de más de cuatro mil metros.
Ta nidio que'l so númberu pue cimblar en función de los criterios colos que se determine si una elevación u otra ye una cume independiente o non. Sicasí, considérase qu'hai unes 67 cumes principales o más carauterístiques que trespasen esta altura, concentraes nos seutores central y occidental principalmente. Una rellación más aceutada ye la siguiente, con repartu por macizos d'este a oeste.
Sector de los Grisones:
Bernina 4.049
El Oberland:
Schreckhorn 4.074
Lauteraarhorn 4.042
Finsteraarhorn 4.273
Aletschhorn 4.195
Jungfrau 4.158
Mönch 4.099
Gross-Fiescherhorn 4.049
Hinter-Fiescherhorn 4.025
Gross-Grünhorn 4.044
Valais (estaya del Mischabel):
Lagginhorn 4.010
Weissmies 4.023
Lenzspitze 4.294
Nadelhorn 4.327
Hohberghorn 4.219
Durrenhorn 4.035
Dom 4.545
Taschhorn 4.490
Valais (zona de Saas):
Alphubel 4.206
Allalinhorn 4.027
Rimpfischhorn 4.199
Strahlhorn 4.190
Valais (macizu del Monte Rosa):
Nordend 4.609
Dufourspitze 4.634
Grenzpifel 4.618
Zumsteinspitze 4.563
Signalkuppe 4.556 (denomáu tamién Punta Gnifetti)
Parrotspitze 4.436
Ludwigshöhe 4.341
Schwarzhorn 4.322 (denomáu tamién Corno Mero)
Balmenhorn 4.167
Pirámide Vincent 4.215
Punta Giordani 4.046
Valais (valle de Zinal):
Bischorn 4.153
Weisshorn 4.505
Zinalrothorn 4.221 (denomáu tamién Pirámide de Zinal)