Bill Gates | |||
---|---|---|---|
abril 1975 - xineru 2000 ← ensin valor - Steve Ballmer → | |||
Vida | |||
Nacimientu | Seattle[1], 28 d'ochobre de 1955[2] (68 años) | ||
Nacionalidá | Estaos Xuníos [3] | ||
Residencia | casa de Bill Gates (es) | ||
Familia | |||
Padre | Bill Gates Sr. | ||
Madre | Mary Maxwell Gates | ||
Casáu con | Melinda Gates (1994 – 2021)[4] | ||
Fíos/es |
Jennifer Katharine Gates Phoebe Adele Gates Rory John Gates | ||
Hermanos/es | |||
Estudios | |||
Estudios |
Lakeside School (es) (1968 - 1973) Harvard College (es) (1973 - 1975) ensin valor | ||
Llingües falaes | inglés[5] | ||
Oficiu | |||
Oficiu | entamador, programador, filántropu, informáticu teóricu, inventor, financieru, xugador de bridge, inversor, actor, escritor, magnate | ||
| |||
Participante
| |||
Altor | 1,77 m | ||
Emplegadores |
Fundación Bill y Melinda Gates (es) Microsoft | ||
Premios |
ver
| ||
Miembru de |
Academia de les Artes y les Ciencies d'Estaos Xuníos Academia Nacional d'Inxeniería[32] Academia China de Ingeniería (es) [33] | ||
IMDb | nm0309540 | ||
| |||
William Henry Gates III (28 d'ochobre de 1955, Seattle), conocíu como Bill Gates, ye un multimillonariu magnate empresarial, informáticu y filántropu[34] d'Estaos Xuníos, cofundador de la empresa de software Microsoft xunto con Paul Allen.[35]
Creó la empresa de software Microsoft en 1974, siendo tovía alumnu na Universidá de Harvard. En 1976, abandona la universidá y va a Alburquerque, sede d'Altair, p'apautar con esa empresa la cesión d'un llinguaxe Basic, a porcentaxe del 50% de ventes. Al añu siguiente, entérase del ésitu d'Apple y de que precisen un Basic. Tenta de presentar la so versión a Apple, pero nin siquier lu recibieron.
En 1980, como presidente de Microsoft, axúntase cola direutiva d'IBM en Seattle, u llogra vende-yos el sistema operativu DOS, magar qu'él tovía nun lo tenía. A IBM facía-y falta esi sistema operativu pa competir escontra d'Apple, razón pola que la negociación ye flexible. Microsoft quier los derechos de llicencia, caltenimientu, y tamién la capacidá de vende-yos el DOS a otres compañes. IBM aceuta, considerando que lo que-y produz dividendos ye'l hardware. Unos díes dempués, Microsoft merca'l Disk Operative System a un informáticu por 50.000 dólares. Consciente de la importancia del entornu gráficu que sacara Apple nel so ordenador Lisa (nome que correspuende a la primer fía de Steve Jobs), proponse algamar tamién l'entornu gráficu y ratón. Demientres Steve Jobs, fundador d'Apple, entama'l desendolcu del Macintosh, Bill Gates visita Apple. Ofrez alicar les sos fueyes de cálculu y otros programes. Amenaza con vender el so material informáticu a IBM, colo que llogra una alianza Apple + Microsoft. Esta última faise cola teunoloxía d'entornu gráficu y ratón, y saca al mercáu Microsoft Windows, como competidor direutu de Macintosh.
El sistema operativu Microsoft Windows (en toles sos versiones), emplegábase nel añu 2002 na mayor parte de los ordenadores personales del mundiu.
Bill Gates encabeza la llista añal de les mayores fortunes personales fecha pola revista Forbes, con bienes calculaos alredor de los 40.700 millones de dólares americanos nel añu 2003.
La so empresa viose envuelta n'abondos procesos xudiciales acusada de práutiques monopolístiques, llegándo a especulase tamién cola posibilidá de que los tribunales norteamericanos esixeren frayar la empresa, como yá pasara con otres empreses americanes nel pasáu. Les acusaciones rellaciónense cola amestadura de dellos programes al so sistema operativu, el más espardíu, lo que ye tomao polos sos competidores como un abusu de posición dominante pa diverxer los sos productos, como ye'l casu del restolador Internet Explorer incluyíu nel sistema operativu Windows.