Eli Herschel Wallach (7 d'avientu de 1915, Red Hook (es) – 24 de xunu de 2014, Manhattan), más conocíu como Eli Wallach, foi un actor d'Estaos Xuníos d'orixe xudíu. Destacó en películes como El bonu, el malu y el feu, de Sergio Leone, y en dalgunos de los westerns más emblemáticos. Siguió trabayando hasta los 95 años y, amás d'un Óscar Honoríficu que l'Academia apurrió-y a esa edá, recibió años tras un premiu Bafta (nuevu actor prometedor pa papeles estelares, película Baby Doll, 1956),[7] un Tony (meyor actor de repartu, 1951, The Rose Tattoo) y un Emmy (1966–1967, película pa televisión The Poppy is Also a Flower).[8]
Dientro de la so vasta carrera, que tomó más de mediu sieglu, pueden mentase les películes yá clásiques Baby Doll d'Elia Kazan, The Magnificent Seven de John Sturges, Lord Jim de Richard Brooks, The Misfits de John Huston (xunto a Clark Gable, Marilyn Monroe y Montgomery Clift), How the West Was Won y Genghis Khan.
Tamién destaca l'ésitu Il buono, il brutto, il cattivo (El bonu, el feu y el malu) de Sergio Leone (interpretando a Tucu, el so personaxe más recordáu) y L'oru de Mackena.
Na so vieyera siguió participando en películes bien conocíes: The Godfather Part III de Francis Ford Coppola, Two Much de Fernando Trueba, Mystic River de Clint Eastwood, el filme coleutivu NY, I Love You, The Ghost Writer de Roman Polanski y Wall Street 2: Money Never Sleeps d'Oliver Stone.
En teatru intervieno en montaxes tan destacables como l'estrenu de La rosa tatuada de Tennessee Williams, en Broadway en 1951 o El preciu (1992), d'Arthur Miller.
En 2010 concedióse-y el Óscar honoríficu.
Añu | Categoría | Película | Resultáu |
---|---|---|---|
2010 | Óscar Honoríficu | Ganador |
Añu | Categoría | Película | Resultáu |
---|---|---|---|
1956 | Meyor Actor de Repartu | Baby Doll | Candidatu |