De Broadhogg is a Hogg oda Hagge zum Beorwatn vo Rundhoiz. De Broadhogg hod friara zu am vo de wichtigstn Weakzeig vo de Zimmara gheat. Heit spuit de Broadhogg koa Roin mea, wei de Orwat duach Maschinen (im Sägeweak) gmocht wead. Es gibt owa no Zimmaleit, de wo an Umgang mit da Broadhogg beheaschn.
De Broadhogg is ebba 50 bis 70 cm long und untascheidt si vo da Hogg voa oim duach ia gross bzw. broads Bladdl.
De Broadhogg bzw. Wikingeraxt wor de wichtigste Schlogwoffm vo de Wikinger. Es hot oa- und zwoahändige Variantn gem. De zwoahändige Variantn wor a Stangenwoffm, da Schoft wor bis 1,80 Meta lang.[1] De mittloitaliche Hellebardn is aa a Weidaentwicklung vo da zwoahändign Broadhogg.
Vom 17. Joahundat bis 1903 is de Broadhogg in Schwedn zum Kepfn vo Schwaavabrechan vawendt woan.