De Deutsche Digitale Bibliothek (DDB) is a digitale Bibliothek, de wo spoda af eiropejischa Ebene in de Europeana integriat wean soi.[1] Dabei gehts owa ned nua um Biacha, sondan aa um Skuiptuan in 3D, Buidl und Videos. Damit soi dees kuituareje Eabe vo da Nation weitgehend kostenfrei fia oi Biagarinna und Biaga zuagengli gmochd wean. Fia Institutiona wia Bibliothekn, Archive und Museen geht de Deitsche Digitale Bibliothek am End vo 2011 ins Netz. 2012 soit nacha jeda - vo seim Rechna daoam oda untawegs aus - draf zuagreifa kena.
De Buidung vo da DBB geht auf an Beschluss vo da Bundesregiarung vom 2. Dezemba 2009 zruck. Daduach soin 30.000 deitsche Kuitua- und Wissnschoftseirichtunga iwa de neie Institution vanetzt wean und iwa a gmoasame Plottform effentli zuagängli gmocht wean. Da Afbau hod scho ogfangt. In dera digitaln Bibliothek soin Biacha, Weake vo da buidendn Kunst, Notn, Musi und Fuim fia jedn Biaga obotn wean. Dees Projekt steht im bewusstn Wettbeweab za Google. Dees freie Kuituaguad soi gschitzt wean und „die digitale Verfügungsgewalt über das … kulturelle Erbe in öffentlicher Verantwortung bleiben“[2] soll. A weidans wichtigs Zui vo da Deitschn Digitaln Bibliothek is aa da Schutz vo Kuituagut vor Katastrophn (vgl. Eistuaz vom Kölna Stodarchiv oda da Brand vo da Anna-Amalia-Bibliothek z Weimar[3]).
Iwa dees Projekt libreka wead ma de Meglichkeit hom, aa in unfreim Kuituagut im Voitext-Modus z suache bzw. Inhoite z kaffa.
Schau aaa: Deutsche Digitale Bibliothek af de.wikipedia.org